Գագիկ Կյուրիկյան
Գագիկ Կյուրիկյան (ծննդյան թվականն անհայտ - 1058), Արքայազն, այնուհետև Կյուրիկե Բ արքայի գահակիցը Տաշիր-Ձորագետի թագավորությունում 1048 - 1058 թվականներին, Կախեթի արքա 1039 - 1058 թվականներին, Բագրատունիների արքայական տոհմի կրտսեր ճյուղ հանդիսացող Կյուրիկյանների արքայական տոհմից։
| Գագիկ Կյուրիկյան | ||
| ||
|---|---|---|
| ||
| 1048 - 1058 | ||
| ||
| 1039 - 1058 | ||
| Մասնագիտություն՝ | գերիշխան | |
| Վախճանի օր | 1058 | |
| Դինաստիա | Բագրատունիներ և Կյուրիկյաններ | |
| Քաղաքացիություն | Կախեթ առաջին թագավորություն | |
| Հայր | Դավիթ Անհողին | |
| Մայր | Զորակրցել | |
| Զավակներ | Աղսարթան Կյուրիկյան | |
Տաշիր-Ձորագետի արքա Դավիթ Անհողին արքայի որդին, Կյուրիկե Բ արքայի եղբայրը։
Տաշիր-Ձորագետի թագավորություն խմբագրել
1048 թվականին, Դավիթ Անհողինի մահից հետո, երբ նրա ավագ որդին՝ Կյուրիկե Բ-ն հաջորդեց իր հորը, Գագիկը դարձավ եղբորը գահակից։ Հետագայում Գագիկը պատերազմում է Գանձակի Փադլուն ամիրայի հետ։
Կախեթի թագավորություն խմբագրել
Գագիկի մայրը Կախեթի Կյուրիկե Գ թագավորի դուստր Զորակրցելն էր, որը ամուսնացել էր Դավիթ Անհողինի հետ։ Կյուրիկե Գ-ն ժառանգ չունենալով, որդեգրում է իր թոռանը՝ Գագիկին և նրան իրեն ժառանգ դարձնում։ Գագիկից սկսվում է Կախեթի Կյուրիկյան հարստությունը։ Գագիկը մահացել է 1058 թվականին, նրան հաջորդում են՝ Աղսարթան Ա-ն (1058-1084), Կյուրիկե Դ-ն (1084-1102) և Աղսարթան Բ-ն (1102-1103)։ Վերջինս թույլ արքա էր, որի պատճառով իշխանները ձերբակալում են նրան և երկիրը հանձնում Վրաց Դավիթ Շինարար թագավորին։
Աղբյուրներ խմբագրել
- «Հայոց անձնանունների բառարան», Հրաչյա Աճառյան, Հատոր 1, Ցուցակ 1, Էջ 435-436