Վիքիպեդիա

Բրեդլի Ուիթֆորդ

ամերիկացի դերասան

Բրեդլի Ուիթֆորդ (անգլ.՝ Bradley Whitford, հոկտեմբերի 10, 1959(1959-10-10)[1][2][3], Մեդիսոն, ԱՄՆ[4]), ամերիկացի դերասան և քաղաքական ակտիվիստ։

Բրեդլի Ուիթֆորդ
Ծնվել էհոկտեմբերի 10, 1959(1959-10-10)[1][2][3] (64 տարեկան)
ԾննդավայրՄեդիսոն, ԱՄՆ[4]
ԿրթությունՈւեսլեական համալսարան, Ջուլիարդ դպրոց և Madison East High School?
Քաղաքացիություն ԱՄՆ
Մասնագիտությունհեռուստատեսային դերասան, կինոդերասան, սցենարիստ, հեռուստատեսային պրոդյուսեր և թատրոնի դերասան
Ամուսին(ներ)Էմի Լանդեքեր
Պարգևներ և մրցանակներ

Վաղ կյանք խմբագրել

Ուիթֆորդը ծնվել է Մեդիսոնում (Վիսկոնսին նահանգ, ԱՄՆ)։ Սովորել է Ուեսլիան համալսարանը, ինչպես նաև ավարտել է Ջուլյարդի դրամայի դպրոցը 1985 թվականին[5]։

Կարիերա խմբագրել

Ուիթֆորդն իր կարիերայի սկզբում նկարահանվել է մի քանի հեռուստաշոուներում ու ֆիլմերում, նախքան Ջոշ Լիմանի դերն ստանալը NBC ալիքի «Արևմտյան թև» սերիալում, որում նկարահանվել է 1999 թվականից մինչև 2005 թվականը՝ նրա հեռարձակման ամբողջ ընթացքում[6]։ Շոուն բավական հաջողություն է ունեցել և սիրվել քննադատների կողմից, իսկ Ուիթֆորդը 2001 թվականին արժանացել է «Էմմի» մրցանակի դրամատիկական հեռուստասերիակում երկրարդ պլանի տղամարդու լավագույն դերակատարման համար[6]։ Նա ներկայացվել է նաև «Էմմի» մրցանակի 2002 և 2003 թվականներին, ինչպես նաև առաջադրվել է «Ոսկե գլոբուս» մրցանակի և դերասանական կազմի հետ միասին ստացել ԱՄՆ դերասանների գիլդիայի մրցանակ 2001 և 2002 թվականներին[7]։

2006-2007 թվականներին Բրեդլի Ուիթֆորդը նկարահանվել է «Ստուդիա 30 Սանսեթ Սթրիպում» սերիալում, որը առաջին եթերաշրջանից հետո փակվել է ցածր վարկանիշի պատճառով։ 2010 թվականին նա կատարել է գլխավոր դեր «Լավ տղաներ» սերիալում, որը նույնպես փակվել է առաջին եթերաշրջանից հետո։ Մշտական աշխատանքից բացի հեռուստատեսությունում մասնակցել է երեսունից ավելի կինենկարներում, այդ թվում՝ «Հյուղակ անտառում» (2011), «Փոքրիկ Մանհեթեն» (2005), «Քեյթը և Լեոն» (2001), «Երկուհարյուրամյա մարդը» (1999), «Բիլի Մեդիսոն» (1995), «Ֆիլադելֆիա» (1993), «Կատարյալ աշխարհ» (1993), «Կնոջ բույրը» (1992), «Արթնացում» (1990) և այլն։

2013 թվականին Բրեդլի Ուիթֆորդն սկսել է նկարահանվել ABC ալիքի «Երրորդ կինը» սիթքոմում Մալին Աքերմանի ու Մարշա Գեյ Հարդենի հետ միասին[8]։ Սկզբում սերիալը գովաբանվել է քննադատների կողմից, սակայն հետո չի ունցել հաջողություն վարկանիշների տեսանկյունից։ 2014 թվականի մայիսի 8-ին հեռուստաալիքը փակել է սերիալն առաջին եթերաշրջանից հետո[9]։

Անձնական կյանք խմբագրել

1992 թվականի օգոստոսին Բրեդլի Ուիթֆորդն ամուսնացել է դերասանուհի Ջեյն Կաչմարեկի հետ[10]։ Նրանք ունեցել են երեք երեխա՝ Ֆրենսիս Ժենեվևան (ծնվել է 1997 թվականին), Ջորջ Էդվարդը (ծնվել է 1999 թվականին) և Մերի Լուիզան (ծնվել է 2002 թվականին)[11]։ 2009 թվականի հունիսին զույգը դիմել է ամուսնալուծության համար[12], որն ավարտին է հասցվել 2010 թվականի հոկտեմբերին[13]։

2015 թվականին Ուիթֆորդն սկսել է հանդիպել դերասանուհի Էմի Լանդեկերի հետ[14]։ 2018 թվականի մարտին զույգը հայտարարել է նշանադրության մասին[15]։

Քաղաքական ակտիվիզմ խմբագրել

Ուիթֆորդը մոլի լիբերալ է, երկար տարիներ ծավալել է քաղաքական ակտիվություն, մինչև 2009 թվականը հանդես է եկել որպես The Huffington Post կայքի սյունակագիր[16]։

Ծանոթագրություններ խմբագրել

  1. ↑ 1,0 1,1 http://www.tvrage.com/person/id-29453/Bradley+Whitford
  2. ↑ 2,0 2,1 Internet Broadway Database — 2000.
  3. ↑ 3,0 3,1 Discogs — 2000.
  4. ↑ 4,0 4,1 4,2 http://www.jsonline.com/multimedia/photos/movie-stars-you-might-have-forgotten-or-never-knew-were-born-in-wisconsin-b99443978z1-291732601.html
  5. ↑ «Bradley Whitford: Biography». TV Guide. Արխիվացված օրիգինալից 2013 թ․ մայիսի 23-ին. Վերցված է 2013 թ․ մայիսի 21-ին.
  6. ↑ 6,0 6,1 «Bradley Whitford- Biography». Yahoo!. Արխիվացված օրիգինալից 2013 թ․ մայիսի 23-ին. Վերցված է 2013 թ․ մայիսի 21-ին.
  7. ↑ «Awards for Bradley Whitford». Internet Movie Database. Արխիվացված օրիգինալից 2013 թ․ մայիսի 23-ին. Վերցված է 2013 թ․ մայիսի 21-ին.
  8. ↑ Michael Ausiello (2012 թ․ հոկտեմբերի 28). «Exclusive: Bradley Whitford Marries Into Trophy Wife, Cast as Male Lead in ABC Comedy Pilot». TV Line. Արխիվացված օրիգինալից 2013 թ․ մայիսի 23-ին. Վերցված է 2013 թ․ մայիսի 21-ին.
  9. ↑ Lesley Goldberg (8 мая 2014). «ABC Cancels 'Trophy Wife' After One Season». The Hollywood Reporter. Վերցված է 2014 թ․ մայիսի 9-ին.
  10. ↑ Jordan, Julie (19 июня 2009). «Bradley Whitford and Jane Kaczmarek File for Divorce». People (անգլերեն).
  11. ↑ «Jane Kaczmarek, babies at age 41, 44 and 46». Chicago Tribune (ամերիկյան անգլերեն).
  12. ↑ Mitovich, Matt (20 июня 2009). «Bradley Whitford, Jane Kaczmarek File for Divorce After Nearly 17 Years». TV Guide (անգլերեն).
  13. ↑ «Whitford and Kaczmarek -- Divvying Up the Goodies». TMZ. 23 октября 2010.
  14. ↑ Weiss, Matthew Cole (11 ноября 2015). «Bradley Whitford Calls Relationship with Transparent Costar Amy Landecker 'Spectacular'». People (անգլերեն).
  15. ↑ Aguilera‍, Leanne (4 марта 2018). «'Transparent' Co-Stars Bradley Whitford and Amy Landecker Are Engaged». Entertainment Tonight (անգլերեն). {{cite news}}: zero width joiner character in |author= at position 9 (օգնություն)
  16. ↑ Bradley Whitford. «Bradley Whitford». The Huffington Post. Արխիվացված օրիգինալից 2013 թ․ մայիսի 23-ին. Վերցված է 2013 թ․ մայիսի 21-ին.
 Վիքիպահեստն ունի նյութեր, որոնք վերաբերում են «Բրեդլի Ուիթֆորդ» հոդվածին։
Ստացված է «https://hy.wikipedia.org/w/index.php?title=Բրեդլի_Ուիթֆորդ&oldid=9825089» էջից