Բուլղարիայի ֆուտբոլային միություն

Բուլղարիայի ֆուտբոլային միություն, կրճատ՝ ԲՖՄ (բուլղար․՝ Български футболен съюз), Բուլղարիայում ֆուտբոլի վերահսկողություն և կառավարում իրականացնող հասարակական կազմակերպություն։ Բուլղարիայի ֆուտբոլային ակումբների ասոցիացիան է, ԲՖՄ-ի կազմում են մտնում 44 պրոֆեսիոնալ և 490 սիրողական ակումբներ։

Բուլղարիայի ֆուտբոլային միություն բուլղար․՝ Български футболен съюз
Երկիր	Բուլղարիա
Հիմնված	1923
Նախագահ	Borislav Mikhailov?
Հավաքականի մարզիչ	Lyuboslav Penev?
Կայք	bfunion.bg​(բուլղ.)

Հիմնադրվել է 1985 թվականի հունիսի 27-ին Սոֆիայում, ֆուտբոլը ղեկավարող մարմինների, որոնք գոյություն են ունեցել 1923 թվականից, և Բուլղարիայի ֆուտբոլի ֆեդերացիայի (1962-1985) իրավահաջորդն է։ Միությունը կառավարում է երկրում ֆուտբոլի զարգացումը, կազմակերպում է պաշտոնական առաջնություններ, պաշտպանում է ֆուտբոլային ակումբների հետաքրքրությունները, ներկայացնում է բուլղարական ֆուտբոլը միջազգային մակարդակում։ ԲՖՄ-ի գլխավոր նպատակն է տարածուն սպորտի զարգացումը, բուլղարական պրոֆեսիոնալ ֆուտբոլի բարձր մակարդակի պահպանումը, ֆուտբոլիստների բարոյական արժեքների դաստիարակությունը։

Բուլղարիան 1923 թվականից ՖԻՖԱ անդամ է, իսկ 1954 թվականից՝ ՈՒԵՖԱ անդամ։

ԲՖՄ-ի հանձնարարությամբ Բուլղարիայում հիմնական ֆուտբոլային առաջնությունները անցկացնում են Պրոֆեսիոնալ ֆուտբոլային լիգան (Ա և Բ խմբերի առաջնություններ, Գավաթ և Սուպերգավաթ) և Սիրողական ֆուտբոլային լիգան (Բ խմբի առաջնություններ, մարզային առաջնություններ, Սիրողական լիգայի գաբաթ, բանակային, ուսանողական և կանանց առաջնություններ)։

Պատմական ժամանակագրություն

• 1894 թվականին Վարնայում շվեյցարացի ուսուցիչ Ժորժ դե Ռեժիբյուսը Բուլղարիայում կազմակերպել է առաջին ֆուտբոլային հանդիպումը
• 1912 թվականին Պլովդիվում հիմնադրվել է առաջին ֆուտբոլային ակումբը՝ Բոտև
• 1923 թվականի դեկտեմբերի 16-17 ստեղծվել է Բուլղարական սպորտի ազգային ֆեդերացիան՝ 1924 թվականի Օլիմպիադայաին բուլղարական սպորտսմենների նախապատրասման նպատակով
• 1924 թվականին կազմավորվել է Բուլղարիայի ֆուտբոլի հավաքականը։ Նրա առաջին մարզիչը դարձել է ավստրիացի Լեոպոլդ Նիչը։ Հավաքականի առաջին խաղը եղել է 1924 թվականի մայիսի 21-ին Ավստրիայի դեմ, իսկ առաջին պաշտոնական խաղը՝ 1924 թվականի մայիսի 25-ին Ֆրանսիայի դեմ։ Հավաքականի ֆուտբոլիստները առաջին գոլը խփել են 1925 թվականին, առաջին ոչ ոքին եղել է 1927 թվականին, իսկ առաջին հաղթականը՝ 1930 թվականի հոկտեմբերի 12-ին Ռումինիայի հանդեպ։
• 1924 թվականին Բուլղարական սպորտի ազգային ֆեդերացիան ֆուտբոլային կոմիտեն կազմակերպել է երկրի առաջին առաջնությունը, որը չի ավարտվել
• 1925 թվականին ճանաչվել է Բուլղարիայի առաջին չեմպիոնը՝ «Վլադիսլավ» (Վիդին) ակումբը
• 1932 թվականին Բուլղարիայի հավաքականը նվաճել է Բալկանյան գավաթը՝ առաջ անցնելով Ռումինիայից, Հարավսլավիայից և Հունաստանից
• 1944 թվականին ձևավորվել է Բուլղարիայում ֆուտբոլը ղեկավարող առաջին անկախ մարմինը՝ Կենտրոնական ֆուտբոլային կոմիտեն։
• 1985 թվականի հունիսի 27-ին հիմնադրվել է Բուլղարիայի ֆուտբոլային միությունը

Երկրի հավաքականի ձեռքբերումներ

• Օլիմպիադայի արծաթե մեդալ 1968
• Օլիմպիադայի բրոնզե մեդալ 1956
• Աշխարհի առաջնության բրոնզե մեդալ 1994
• Աշխարհի առաջնության եզրափակիչ առաջնությունների մասնակից (7 անգամ)
• Եվրոպայի առաջնության եզրափակիչ առաջնությունների մասնակից (2 անգամ)

ԲՖՄ ղեկավարություն

• Նախագահ - Բորիսլավ Միխայիլով|
• Առաջին փոխ-նախագահ - Յորդան Լեչկով|
• Փոխ-նախագահ - Միխայիլ Կասաբով|
• Փոխ-նախագահ - Ատանաս Ֆուրնաջիև|
• Անդամ - Գրիշա Գանչև|
• Անդամ - Կամեն Կոստանդինով|
• Անդամ - Նասկո Սիրակով|
• Անդամ - Վեսելին Բալևսկի|
• Անդամ - Պլամեն Բոբոկով|
• Անդամ - Էմիլ Կոստադինով|
• Անդամ - Յորդան Հրիստոկով|
• Անդամ - Իվան Լեկով|
• Անդամ - Վենցիսլավ Ստեֆանով|
• Անդամ - Կիրիլ Դոմուսչիև|
• Անդամ - Պանայոտ Ռեյզի|

Արտաքին հղումներ

• Պաշտոնական կայք (բուլղ.) (անգլ.)