Բորնմութ ՖԱ

Բորնմութ, անգլիական պրոֆեսիոնալ ֆուտբոլային ակումբ համանուն քաղաքից։ Ակումբը հիմնադրվել է 1899 թվականին, տնային խաղերն անցկացնում է Դին Կորտ մարզադաշտում, գույներն են սև-կարմիր-սպիտակ։ Ներկայումս թիմը հանդես է գալիս Պրեմիեր Լիգայում։

Բորնմութ
Ամբողջական անուն	Athletic Football Club Bournemouth
Մականուն(ներ)	The Cherries (Բալեր)
Գույներ	Սև-կարմիր-սպիտակ
Հիմնադրում	1899
Երկիր	Միացյալ Թագավորություն
Մարզադաշտ	Դին Կորտ, Բորնմութ
Տարողունակություն	11,360
Տեր	Մաքսիմ Դեմին
Նախագահ	Ջեֆ Մոստին
Մարզիչ	Էդդի Հաու
Կայք	Պաշտոնական կայք
Լիգա	Պրեմիեր Լիգա
2016-17	9-րդ
Տան դաշտ Մրցակցի դաշտ Երրորդ համազգեստ

Պատմություն

1890 թվականին առաջին անգամ հիշատակվում է Boscombe St. John's Lads’ Institute F.C. անունով Սեյնթ-Ջոն համալսարանի ուսանողական թիմը, որը հանդես էր գալիս շրջանային առաջնությունում։ 1890-ականներին ակումբն ուներ տեղական մակարդակ և միայն 1899 թվականի աշնանը թիմն առանձնացավ համալսարանից և շրջանի անունով կոչվեց «Բոսկոմբ»։ 1899/1900 մրցաշրջանում «Բոսկոմբը» հանդես եկավ Բորնմութի շրջանային պատանեկան լիգայում և Հեմփշիրի պատանեկան գավաթում։ 1905/06 մրցաշրջանի ավարտին ակումբը թույլտվություն ստացավ հանդես գալ մեծահասակների սիրողական լիգայում։

1910 թվականին ստանալով հողատարածք՝ «Բոսկոմբը» սկսեց Դին Կորտ մարզադաշտի շինարարությունը։ Նույն տարի ակումբը ստորագրեց իր առաջին պրոֆեսիոնալ պայմանագիրը ֆուտբոլիստի հետ։ 1913/14 մրցաշրջանում «Բոսկոմբն» առաջին անգամ Անգլիայի գավաթում հանդես գալու թույլտվություն ստացավ, սակայն առաջին համաշխարհային պատերազմը թույլ չտվեց ակումբը զարգանա և այն վերադարձավ Հեմփշիրի լիգա։

1920 թվականին ստեղծվեց երրորդ դիվիզոնը և «Բոսկոմբը» Հեմփշիրի լիգայից տեղափոխվեց Հարավային լիգա։ Հարավային լիգայում իր երրորդ մրցաշրջանում ակումբը զբաղեցրեց երկրորդ տեղը և դուրս եկավ ֆուտբոլային լիգա։ Ֆուտբոլային լիգայում հանդես գալու թույլտվություն ստանալուց հետո ակումբը վերանվանվեց «Բորնմութ», որն արդեն ներկայացնում էր ողջ քաղաքը։ 1970 թվականին «Բորնմութը» 47 տարվա մեջ առաջին անգամ դուրս մնաց երրորդ դիվիզիոնից։ 1987/88 մրցաշրջանում «Բորնմութը» Հարի Ռեդնապի գլխավորությամբ նորամուտը նշեց երկրորդ դիվիզոնում, սակայն երեք տարի հետո կրկին վերադարձավ երրորդ դիվիզոն։

2009 թվականին ակումբը գլխավորեց թիմի նախկին ֆուտբոլիստ Էդդի Հաուն։ Առաջին մրցաշրջանի ընթացքում Հաուն ակումբը դուրս բերեց երրորդ լիգա։

2010-ականների սկզբին ակումբի բաժնետոմսերի վերահսկիչ փաթեթը գնեց ռուս գործարար Մաքսիմ Դեմինը։

«Բորնմութը» 2012/13 մրցաշրջանում բարձրացավ Չեմպիոնշիպ։ 2014/15 մրցաշրջանի արդյունքում «Բորնմութն» իր պատմության մեջ առաջին անգամ Պրեմիեր Լիգայի ուղեգիր նվաճեց։

Ներկա կազմ

2017 թվականի օգոստոսի 31-ի դրությամբ

Նշում. Դրոշները ցույց են տալիս ազգային հավաքականը ինչպես սահմանված է ՖԻՖԱ-ի իրավասության կանոններում: Խաղացողները կարող են ունենալ 1-ից ավելի ոչ-ՖԻՖԱ-ի քաղաքացիություն:

№ Դիրք Խաղացող 1 ԴՊ Արթուր Բորուց 2 ՊՇ Սայմոն Ֆրենսիս 3 ՊՇ Սթիվ Կուկ 4 ԿՊ Դեն Գոսլինգ 5 ՊՇ Նատան Ակե 6 ԿՊ Էնդրյու Սերման 7 ԿՊ Մարկ Պյու 8 ԿՊ Հարրի Արտեր 9 ՀՐ Բենիկ Աֆոբե 11 ՊՇ Չարլի Դենիելս 12 ԴՊ Էրոն Ռամզդեյլ 13 ՀՐ Կալում Ուիլսոն 14 ՊՇ Բրեդ Սմիթ 15 ՊՇ Ադամ Սմիթ

№ Դիրք Խաղացող 16 ԿՊ Լյուիս Կուկ 17 ՀՐ Ջոշուա Քինգ 18 ՀՐ Ջերմեյն Դեֆո 19 ԿՊ Ջունիոր Ստանիսլաս 22 ԿՊ Էմերսոն Հայնդմեն 23 ԿՊ Քոնոր Մահոնի 24 ԿՊ Ռայան Ֆրեյզեր 26 ՊՇ Տայրոն Մինգս 27 ԴՊ Ասմիր Բեգովիչ 29 ՊՇ Ռոյս Ուիգինս 31 ՀՐ Լիս Մուսե 32 ԴՊ Ադամ Ֆեդերիչի 33 ԿՊ Ջորդոն Այբ

Նվաճումներ

• Անգլիայի երկրորդ դիվիզիոն
  • Հաղթող. 2014–15
• Անգլիայի երրորդ դիվիզիոն
  • Հաղթող. 1986–87
  • Երկրորդ տեղ (2). 1947–48, 2012–13
• Անգլիայի չորրորդ դիվիզիոն
  • Երկրորդ տեղ (2). 1970–71, 2009–10
  • Փլեյ օֆֆի հաղթող. 2002–03
  • Անցում հաջորդ փուլ. 1981–82
• Հարավային առաջնություն
  • Երկրորդ տեղ. 1922–23
• Ֆուտբոլային Լիգայի մրցանակ
  • Հաղթող. 1983–84
  • Երկրորդ տեղ. 1997–98
• Ֆուտբոլային Լիգայի երրորդ դիվիզիոնի հարավային գավաթ
  • Հաղթող. 1945–46

Արտաքին հղումներ

• Բորնմութի պաշտոնական կայքը (անգլ.)
• Բորնմութի մասին տեղեկություն Պրեմիեր Լիգայի հայալեզու կայքում (հայ.)

Վիքիպահեստն ունի նյութեր, որոնք վերաբերում են «Բորնմութ ՖԱ» հոդվածին։