Վիքիպեդիա

Բողոքի ցույցեր կարանտինի դեմ (2020)

Բողոքի ցույցեր կարանտինի դեմ (անգլ.՝ anti-quarantine protests[1]), 2020 թվականի ապրիլից աշխարհի տարբեր մասերում տեղի ունեցող իրադարձություններ ի պատասխան COVID-19 համավարակի հետ կապված իշխանությունների խիստ սահմանափակող միջոցների։

Բողոքի ցույցեր կորոնավիրուսի դեմ, Օհայո (ԱՄՆ)

ԱՄՆ խմբագրել

Ապրիլի 18-ին ԱՄՆ-ում կարանտինի (stay-at-home order) դեմ զանգվածային բողոքի ակցիաներ են տեղի ունեցել։ Հանրահավաքները տեղի են ունեցել Միչիգանում (այստեղ ավտոմոբիլիստների բողոքի ակցիաները սկսվել էին դեռևս ապրիլի 15-ին[2]), Օհայոյում, Տեխասում, Մերիլենդում, Կենտուկիում և Վիսկոնսինում։ Ինչպես նշել են ԶԼՄ-ները, ցուցարարների թվում ներկայացվել է Դոնալդ Թրամփի պահպանողական ընտրազանգվածը[3]։ Լանսինգում առաջին ակցիան ստացել է Gridlock (խցանում) անվանումը, քանի որ ցուցարարները ցանկացել են ավտոմեքենաների օգնությամբ խցանումներ ստեղծել[4]։ Ակցիայի մասնակիցների ցուցադրական կարգախոսներից մեկը եղել է․ «Ինձ իրավունք տվեք վարակվելու կորոնավիրուսով, բայց մի սահմանափակեք իմ ազատությունը»[5]։ Բացի այդ, պաստառների շարքում ներկա էր reopen (բացեք կրկին, այսինքն՝ «դադարեցրեք մեկուսացումը») կոչը։ Ցուցարարները նաև պնդում էին, որ կարանտինային միջոցառումները կարող են խարխլել տնտեսությունը և վատթարացնել շարքային ամերիկացիների նյութական վիճակը։ Ապրիլի 21-ին ակցիային միացել է Կալիֆորնիան[6]։ Տեխասում ցուցարարները քննադատել են երկրի գլխավոր ինֆեկցիոնիստ Էնթոնի Ֆաուչիի գործունեությունը, որը, նրանց կարծիքով, պատասխանատու էր երկրում խիստ կարանտինի ռեժիմի համար[7][8]։

Washington Post հրատարակությունը բողոքի ցույցերը կապել է ուլտրաաջերի շարժման հետ (far-right)[1][9]։ Կենտուկի նահանգապետ Էնդի Բեշերի կարծիքով՝ բողոքի ակցիաները հանգեցնում են հիվանդացության աճին[10]։

Ապրիլի 30-ին Լանսինգում ցուցարարները (400-700 մարդ) զբաղեցրել են Միչիգան նահանգի Կապիտոլիումը։ Մամուլն ուշադրություն է հրավիրել այն հանգամանքի վրա, որ որոշ ցուցարարներ զինված են եղել հրացաններով[11]։ Ոստիկանությունը չի խոչընդոտել ակցիային, քանի որ նահանգում թույլատրված է ազատ զենք կրել[12]։

Գերմանիա խմբագրել

Ապրիլի 19-ին տեղեկատվություն է հայտնվել Բեռլինում տեղի ունեցած կարանտինի պայմաններում քաղաքացիների իրավունքների և ազատությունների սահմանափակման դեմ չարտոնված հանրահավաքի մասին։ Հանրահավաքի մասնակիցների թիվը չի գերազանցել 1000-ը[13]։

Բեռլինում մայիսմեկը կարանտինի պայմաններում անցել է սահմանադրական իրավունքների համար պայքարի նշանով։ Սկզբում ցուցարարները հավաքվել էին Ռոզա Լյուքսեմբուրգի հրապարակում «հիգիենիկ բողոքի», իսկ հետո տեղափոխվել Կրոյցբերգ շրջան[14]։

Մայիսի 9-ին բողոքներն ընդլայնվել են։ Հազարավոր մարդիկ Շտուտգարտում մասնակցել են ակցիային։ Մասնակիցները պահել են սոցիալական հեռավորությունը՝ 1.5 մետր։ Բեռլինում բողոքի ցույցն ավելի քիչ էր, բայց ավելի ագրեսիվ։ Մյունխենում 3000 մարդ է դուրս եկել Մարիենպլաց։ Մայնի Ֆրանկֆուրտում շուրջ 500 մարդ կոչ է արել չեղարկել մասայական ռեժիմը[15]։

Բրազիլիա խմբագրել

Բրազիլիայում ապրիլի 20-ի բողոքի ակցիաները կարանտինի դեմ գլխավորել Է երկրի նախագահ Ժաիր Բոլսոնարուն՝ անհամաձայնություն հայտնելով խորհրդարանի և որոշ նահանգապետերի դիրքորոշման հետ, որոնք խիստ միջոցներ են ձեռնարկել կորոնավիրուսի համաճարակի դեմ պայքարելու համար[16]։

Իսրայել խմբագրել

Ապրիլի 7-ին հինդուիզմի փրկության կարգախոսով կարանտինի դեմ ցույց է անցկացվել իսրայելական Մոդիին Իլիթ քաղաքում[17]։

Ռուսաստան խմբագրել

2020 թվականի ապրիլի 20-ին մի քանի հարյուր մարդ ցույցի է դուրս եկել Հյուսիսային Օսիայի մայրաքաղաքում։ Ցուցարարները պահանջել են հանրապետությունում արտակարգ դրության ռեժիմ սահմանել և դրամական միջոցների իրական վճարում, ինչպես նաև կասկած են հայտնել կորոնավիրուսի սպառնալիքի մասին պաշտոնական տեղեկատվության արժանահավատության մեջ, իսկ Հանրապետության իշխանությունների ձեռնարկած միջոցառումները համարել են ավելորդ[18]։

Ուկրաինա խմբագրել

Ապրիլի 29-ին Կիևում Գրուշևսկու փողոցում տեղի է ունեցել գործարարների ակցիա՝ ընդդեմ կարանտինային միջոցառումների[19]։ Մայիսի 6-ին Կիևի Գրուշևսկի փողոցում՝ Եվրոպական հրապարակի մոտ, կրկին տեղի է ունեցել ձեռնարկատերերի ակցիա՝ «կարանտինը սպանում է» (ուկրաիներեն՝ Карантин вбиває) կարգախոսով[20]։

Նիդերլանդներ խմբագրել

Մայիսի 5-ին ԶԼՄ-ներում տեղեկատվություն է հայտնվել Հաագայի կարանտինային միջոցառումների դեմ բողոքի ակցիաների մասին։ Սկզբում քաղաքի քաղաքապետը թույլատրել է միջոցառումը, պայմանով, որ մասնակիցները կպահեն սոցիալական հեռավորություն, սակայն ավելի ուշ ոստիկանությունը սկսել է ձերբակալել մարդկանց, երբ ցուցարարների թիվը սկսել է աճել[21]։

Ծանոթագրություններ խմբագրել

  1. ↑ 1,0 1,1 Pro-gun activists using Facebook groups to push anti-quarantine protests // Washington Post, 20.04.2020
  2. ↑ В Мичигане прошли массовые протесты против усиления карантина
  3. ↑ В США прошли массовые протесты против карантина
  4. ↑ Операция «Пробка». В Мичигане врачам не верят и выступают против карантина
  5. ↑ «Дайте мне право заразиться коронавирусом, но не ограничивайте мою свободу»
  6. ↑ «В Калифорнии прошла акция протеста против карантина». Արխիվացված է օրիգինալից 2020 թ․ մայիսի 9-ին. Վերցված է 2020 թ․ հուլիսի 9-ին.
  7. ↑ Карантин расколол Америку: люди выходят на митинги против самоизоляции
  8. ↑ «Facebook начал удалять посты о митингах против карантина в США». Արխիվացված է օրիգինալից 2020 թ․ հուլիսի 9-ին. Վերցված է 2020 թ․ հուլիսի 9-ին.
  9. ↑ WP назвала организаторов акций против самоизоляции в США
  10. ↑ «В США после протестов против карантина рекордно увеличилось количество заражений коронавирусом». Արխիվացված է օրիգինալից 2020 թ․ ապրիլի 22-ին. Վերցված է 2020 թ․ հուլիսի 9-ին.
  11. ↑ Вооруженные протестующие в Мичигане пошли на штурм Капитолия штата // Взгляд, 1 мая 2020
  12. ↑ В Мичигане прошла акция против карантина. Демонстранты вошли в Капитолий штата (некоторые — с винтовками) // Meduza, 1 мая 2020
  13. ↑ Германия: демонстрация против ущемления прав и основных свобод граждан во время пандемии
  14. ↑ Первомай в Берлине завершился массовыми протестами против карантина // Российская газета, 2 мая 2020
  15. ↑ В Германии прошли протесты против ограничений прав из-за коронавируса // Немецкая волна. 9 мая 2020
  16. ↑ Президент Бразилии вышел на демонстрацию против карантина
  17. ↑ Жители Модиин Илит разогнали демонстрацию против карантина
  18. ↑ Акции протеста против карантина в России и в мир
  19. ↑ Под Кабмином предприниматели заблокировали дорогу и требуют снять карантин с 1 мая. Начались столкновения с полицией Արխիվացված 2020-05-08 Wayback Machine // Strana.ua, 29 апреля 2020
  20. ↑ "Карантин убивает". Под Кабмином снова акция протеста, перекрыта улица Грушевского Արխիվացված 2020-05-19 Wayback Machine // Strana.ua, 6 мая 2020
  21. ↑ В Гааге задержали несколько десятков протестующих против карантина // ՌԻԱ Նովոստի, 5 мая 2020
Ստացված է «https://hy.wikipedia.org/w/index.php?title=Բողոքի_ցույցեր_կարանտինի_դեմ_(2020)&oldid=9524122» էջից