Բոհումիլ Կաֆկա
Բոհումիլ Կաֆկա (չեխ․՝ Bohumil Kafka, փետրվարի 14, 1878[1][2][3][…], Նովա Պակա[4][5] - նոյեմբերի 24, 1942[6][7][8][…], Պրահա, Բոհեմիայի և Մորավիայի պրոտեկտորատ[4][5]), չեխ քանդակագործ և մանկավարժ, պրոֆեսոր, Պրահայի գեղարվեստի ակադեմիայի ռեկտոր։
| Բոհումիլ Կաֆկա չեխ․՝ Bohumil Kafka | |
|---|---|
 | |
| Ծնվել է | փետրվարի 14, 1878[1][2][3][…] |
| Ծննդավայր | Նովա Պակա[4][5] |
| Մահացել է | նոյեմբերի 24, 1942[6][7][8][…] (64 տարեկան) |
| Վախճանի վայրը | Պրահա, Բոհեմիայի և Մորավիայի պրոտեկտորատ[4][5] |
| Քաղաքացիություն |  Չեխոսլովակիա և  Ցիսլեյտանիա |
| Կրթություն | Q12056974?, Պրահայի արվեստի, ճարտարապետության, դիզայնի ակադեմիա և Պրահայի գեղարվեստի ակադեմիա |
| Մասնագիտություն | քանդակագործ, մանկավարժ, մեդալագործ, ուսուցիչ և նկարչության ուսուցիչ |
| Աշխատավայր | Պրահայի արվեստի, ճարտարապետության, դիզայնի ակադեմիա և Պրահայի գեղարվեստի ակադեմիա |
| Պարգևներ և մրցանակներ | |
 Bohumil Kafka Վիքիպահեստում | |
Կենսագրություն խմբագրել
1892 թվականից 1896 թվականը սովորել է Գորիցեի քանդակագործության դպրոցում, ապա 1897 թվականին Պրահայի Կիրառական արվեստի բարձրագույն դպրոցում՝ Ստանիսլավ Սուխարդիի և Յոսեֆ Վացլավ Միսլբեկի ղեկավարություն։ Ավելի ուշ շարունակել է Վիեննայում։ Ստացած կրթաթոշակների շնորհիվ 1904-1908 թվականներին ապրել և աշխատել է Փարիզում։ Գտնվել է Օգյուստ Ռոդենի ստեղծագործությունների ուժեղ ազդեցության տակ։
Կաֆկայի առաջին փարիզյան ցուցահանդեսը կազմակերպվել է 1904 թվականին Ֆրանսիայի կրթության նախարարության աջակցությամբ։ Ավելի ուշ, Ֆրանսիայի կառավարությունը քանդակագործին պարգևատրել է Պատվավոր Լեգեոնի շքանշանով։
Նախքան վերադառնալը և բնակվելը Պրահայում, աշխատել է Լոնդոնում, Բեռլինում և Հռոմում։
1912 թվականին իր ուսուցիչ Ստանիսլավ Սուխարդիի հետ միասին Պրահայում մասնակցել է Ֆրանտիշեկ Պալացկի և սուրբ Վացլավի արձանների ստեղծմանը։ Ուսուցչի մահվանից հետո 1916 թվականին նշանակվել է Պրահայի կիրառական արվեստի դպրոցի դեկորատիվ քանդակների պրոֆեսոր։ 1925 թվականին դարձել է Պրահայի գեղարվեստի ակադեմիայի պրոֆեսոր։ Երկու անգամ ընտրվել է վերջինիս ռեկտոր։
Քանդակագործի աշխատանքները կատարվել են, գլխավորապես, սիմվոլիզմի և անիմալիստիկա ոճերով։ Հայտնի է իր դեկորատիվ քանդակներով, բնակելի ճակատների տարրերով և հասարակական շենքերով, կիսանդրիներով, արձաններով ու հուշարձաններով։
Բոհումիլ Կաֆկան համարվում է Չեխոսլովակիայի արվեստի մոդեռնի նոխահայրերից մեկը։
Մահացել է Պրահայում է որդանման ելունի բորբոքումից։ Թաղված է Վիշեգրադյան գերեզմանոցում։
Պատկերասրահ խմբագրել
Ծանոթագրություններ խմբագրել
- ↑ 1,0 1,1 https://rkd.nl/explore/artists/433639
- ↑ 2,0 2,1 Benezit Dictionary of Artists — OUP, 2006. — ISBN 978-0-19-977378-7
- ↑ 3,0 3,1 RKDartists (նիդերլ.)
- ↑ 4,0 4,1 4,2 4,3 4,4 4,5 Չեխիայի ազգային գրադարանի կատալոգ
- ↑ 5,0 5,1 5,2 5,3 5,4 5,5 Կերպարվեստի արխիվ — 2003.
- ↑ 6,0 6,1 6,2 RKDartists (նիդերլ.)
- ↑ 7,0 7,1 7,2 European Theatre Architecture — Arts and Theatre Institute.
- ↑ 8,0 8,1 8,2 Բրոքհաուզի հանրագիտարան (գերմ.)
Արտաքին հղումներ խմբագրել
- Bohumil Kafka Արխիվացված 2014-05-12 Wayback Machine
 | Վիքիպահեստն ունի նյութեր, որոնք վերաբերում են «Բոհումիլ Կաֆկա» հոդվածին։ |