Բոկա (երաժիշտ)

Բորիս Արկադիի Դավիդյան (առավել հայտնի է Բոկա անունով, ապրիլի 28, 1949(1949-04-28), Բաքու, Ադրբեջանական ԽՍՀ, ԽՍՀՄ - հուլիսի 20, 2020(2020-07-20), Լոս Անջելես, Կալիֆոռնիա, ԱՄՆ), խորհրդահայ երգիչ, հեղինակ-կատարող։

Բոկա
Հիմնական տվյալներ
Բնօրինակ անուն	Բորիս Դավիդյան
Ի ծնե անուն	ռուս.՝ Борис Давидян
Նաև հայտնի է որպես	Բոկա
Ծնվել է	ապրիլի 28, 1949 Բաքու, Ադրբեջանական ԽՍՀ, ԽՍՀՄ
Երկիր	ԽՍՀՄ, Հայաստան, և ԱՄՆ
Մահացել է	հուլիսի 20, 2020 Լոս Անջելես, Կալիֆոռնիա, ԱՄՆ
Ժանրեր	ռուսական շանսոն
Մասնագիտություն	երաժիշտ

Կենսագրություն

Բորիս Դավիդյանը ծնվել է Բաքու քաղաքում։ Հայրը եղել է պատերազմի մասնակից, որի ավարտից հետո աշխատանքի է անցել գործարանում, մայրը՝ Մարգարիտան եղել է կենսաբան, մահացել է վաղ տարիքում։

Բորիսը վաղ տարիքից հետաքրքրվել է երաժշտությամբ, բակերում և շենքերի մուտքերում նվագել է կիթառ և երգել տարբեր երգեր, որը դուր է եկել շատերին։ Նրա երաժշտական կարիերայի վրա մեծ ազդեցություն է ունեցել հայրը, որը նվագել էր մանդոլին և դեռ պատերազմի տարիներից գիտեր շատ երգեր։

Կարիերա

Բորիսը սովորել է Տաշքենդի մեքենաշինական ինստիտուտում, առաջին ալբոմը ձայնագրել է 1972 թվականին։ Նա և իր երաժիշտ ընկերները հաճախ են ելութներ ունեցել տարբեր տեսակի խնջույքներում։ 1973-1974 թվականներին Բոկան աշխատում էր գիշերները՝ ձայնագրելով իր երգերը Թբիլիսիի «Մելոդիա» ձայնագրման ստուդիայում։ 1987 թվականին Բոկան ապրում է Մոսկվայում և երգել «Պոմիդոր» ռեստորանում։ 1988 թվականին ձայնագրել է «Դոլյա վարավսկայա» ալբոմը։

1996 թվականի սկզբին Բոկան իր ընտանիքի հետ ապրել է Երևանում, այնուհետև տեղափոխվել է Մոսկվա, որտեղից էլ՝ ԱՄՆ։

Բոկան երկար տարիներ ելույթ է ունեցել այնպիսի երաժիշտների հետ, ինչպիսիք են՝ Ալեքսանդր Բաղդասարովը (կլառնետ), Համլետ Գալուստյանը, Սուրեն Քերանյան (ստեղնաշարերային գործիքներ), Իգոր Սաֆարովը, Գեորգի Ագաբոպովը (մահացել է 1995 թվականին)։ Բոկայի մտերիմ ընկերիներից է եղել Յուրի Վարդանյանը, որին պատվին երաժիշտը երգ է գրել։

Համերգային ելույթներով հանդես է եկել Ավստրիայում, Թուրքիայում, Ռուսաստանում և այլ երկրներում։

Մահացել է Լոս Անջելեսում 2020 թվականի հուլիսի 20-ին՝ թոքերի երկարատև հիվանդությունից հետո։ Բորիսը կին ու երեխաներ ուներ ՝ որդի և երկու դուստր, ինչպես նաև չորս թոռ, որոնցից մեկը երգիչ Ժոկան է։

Սկավառակագրություն

• Первый концерт (1972)
• Второй концерт (1973)
• Третий концерт (1974)
• Четвёртый концерт в Баку (1979)
• Пятый концерт «Опять в Тбилиси» (1981)
• Шестой концерт (1982)
• Доля воровская (1988)
• Կարոտ (1993)
• Воспоминание (1995)
• Привет из Америки (1996)
• Для всех друзей (1997)
• Мам, я твой сын… (2002)
• Мой отец (2003)
• Моя доля (2007)
• Мой город (2008)
• Цена жизни (2011)
• Жить и любить (2016)

Ֆիլմագրություն

• Սրիկա (1988)
• Օդի տաճար (1989)