Արագածոտն (գավառ)

Անվան այլ կիրառումների համար տե՛ս՝ Արագածոտն (այլ կիրառումներ)

Արագածոտն, գավառ Մեծ Հայքի Այրարատ նահանգում։ Կոչվել է նաև Ոտն Արագածո։ Այստեղ էին գտնվում Հայաստանի մայրաքաղաքներ Արմավիրը և Վաղարշապատը։ Արագածոտնում է Վարդագեսավան բնակավայրը, որը Վաղարշակ Ա թագավորի օրոք (117-140) վերանվանվել է Վաղարշապատ՝ դառնալով Մեծ Հայքի մայրաքաղաքը։ Միջին դարերում Արագածոտնի հյուսիսային մասը կոչվել է Ամբերդ գավառ՝ համանուն ամրոցի անունով։ IX-XI դդ Պահլավունիների կալվածքն էր։ 1386 թվականին Արագածոտնը ասպատակեցին Լենկթեմուրի զորքերը։ XV դ գավառն ընկել է Կարա-Կոյունլուների, ապա Աղ-Կոյունլուների տիրապետության տակ, իսկ 1502 թվականից մտել է Սեֆևյան Իրանի կազմի մեջ։ 1639 թվականից Արագածոտնը Երևանի խանության մասերից էր, իսկ 1828 թվականին Արևելյան Հայաստանի մյուս շրջանների հետ միացվեց Ռուսաստանին։

Արագածոտն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 680)։