Աշոտ Հակոբյան (գնդապետ)
Անվան այլ կիրառումների համար տե՛ս՝ Աշոտ Հակոբյան (այլ կիրառումներ)- Վիքիպեդիայում կան հոդվածներ Հակոբյան ազգանունով այլ մարդկանց մասին։
Աշոտ Սուրիկի Հակոբյան (հուլիսի 16, 1975, Հրազդան, Հայկական ԽՍՀ, ԽՍՀՄ), հայ իրավաբան, Արդարադատության գնդապետ, պահեստազորի գնդապետ։ ՀՀ տրանսպորտի, կապի և տեղեկատվական տեխնոլոգիաների նախարար (2018 թվականի մայիսի 12[1] - 2018 թվականի հոկտեմբերի 3[2]):
| Աշոտ Հակոբյան | |
| |
| Կրթություն՝ | Երևանի պետական համալսարան (1996) |
|---|---|
| Մասնագիտություն՝ | իրավաբան |
| Ծննդյան օր | հուլիսի 16, 1975 (48 տարեկան) |
| Ծննդավայր | Հրազդան, Հայկական ԽՍՀ, ԽՍՀՄ |
| Քաղաքացիություն |  ԽՍՀՄ և  Հայաստան
|
Կենսագրություն խմբագրել
Աշոտ Հակոբյան ծնվել է 1968 թվականին, Հրազդանում։ 1986-1988 թվականներին ծառայել է ԽՍՀՄ բանակում։ 1990-1996 թվականներին սովորել և ավարտել է Երևանի պետական համալսարանի իրավաբանական ֆակուլտետը։ 1998-1999 թվականներին եղել է ՀՀ ՆԳՆ ՔԳՎ 3-րդ վարչության քննիչ, 1999-2003 թվականներին՝ ՀՀ ՆԳՆ ՔԳՎ 3-րդ վարչության ավագ քննիչ, 2003-2005 թվականներին՝ ՀՀ ոստիկանության ՔՎ 2-րդ վարչության ավագ քննիչ, 2005 թվականին՝ ՀՀ ոստիկանության ՔԳՎ 2-րդ վարչության ֆինանսավարկային հանցագործությունների քննության բաժանմունքի ավագ քննիչ, 2005- 2008 թվականներին՝ ՀՀ ոստիկանության ՔԳՎ Երևան քաղաքի ՔՎ կենտրոնականի քննչական բաժնի պետի տեղակալ, 2008-2011 թվականներին՝ ՀՀ ոստիկանության ՔԳՎ 2-րդ վարչության մարդկանց առևտրի (թրաֆիկինգի), թմրամիջոցների ապօրինի շրջանառության և կազմակերպված հանցագործությունների քննության բաժնի պետ, 2011-2014 թվականներին՝ ՀՀ ոստիկանության ՔԳՎ 2-րդ վարչության (հատկապես կարևոր գործերի քննության) պետի տեղակալ, 2014 թվականին՝ ՀՀ քննչական կոմիտե, Երևան քաղաքի քննչական վարչության Ավան և Նոր Նորք վարչական շրջանների քննչական բաժնի պետ, 2014-2017 թվականներին՝ ՀՀ հատուկ քննչական ծառայության ընդհանուր բնույթի հանցագործությունների քննության վարչության պետ, 2017 թ.՝ ՀՀ հատուկ քննչական ծառայության կոռուպցիոն, կազմակերպված և պաշտոնեական հանցագործությունների քննության վարչության պետ, 2017-2018 թվականներին՝ «Ար-Բե» հայ-բելառուսական առևտրի տուն» ՍՊԸ-ի գլխավոր տնօրեն։ 2018 թվականի մայիսի 12-ին ՀՀ վարչապետի առաջարկությամբ ՀՀ նախագահի կողմից նշանակվել է ՀՀ տրանսպորտի, կապի և տեղեկատվական տեխնոլոգիաների նախարար[1][3]։
Ծանոթագրություններ խմբագրել
- ↑ 1,0 1,1 «Կենսագրություն | mtcit.am». mtcit.am (անգլերեն). Արխիվացված է օրիգինալից 2018 թ․ մայիսի 1-ին. Վերցված է 2018 թ․ մայիսի 15-ին.
- ↑ «Հանրապետության նախագահի հրամանագրերը - Փաստաթղթեր - Հայաստանի Հանրապետության Նախագահ». նախագահ.հայ. Վերցված է 2018 թ․ հոկտեմբերի 3-ին.
- ↑ «ՀՀ նախագահի հրամանագրերը - Փաստաթղթեր - Հայաստանի Հանրապետության Նախագահ». նախագահ.հայ. Վերցված է 2018 թ․ մայիսի 15-ին.