Աշոտ Դ Քաջ
Շահնշահ հայոց
Աշոտ Դ (անհայտ[1] - 1040[1]), Հայոց թագավոր 1022 թվականից։
Աշոտ Դ Քաջ | |
|---|---|
| Հայոց թագավոր | |
| Իշխանություն | 1022 - 1040 |
| Թագադրում | 1022 |
| Լրիվ անուն | Աշոտ Բագրատունի |
| Ծնվել է՝ | անհայտ[1] |
| Մահացել է՝ | 1040[1] |
| Հաջորդող | Գագիկ Բ |
| Տոհմ | Բագրատունիներ |
| գերիշխան | |
| Հայր | Գագիկ Ա[1] |
| Մայր | Կատրանիդե Բ |
| Երեխաներ | Գագիկ Բ |
| Հավատք | Հայ Առաքելական Եկեղեցի |
Գագիկ Ա–ի որդին։ Գագիկ Բ–ի հայրը։
Իշխանությանը տիրանալու հավանականությամբ 1020 թվականին ապստամբել է ավագության իրավունքով գահը ժառանգած եղբոր՝ Հովհաննես–Սմբատի (Սմբատ Գ-ի) դեմ։ Օգնական զորք ստանալով Վասպուրականի թագավոր Սենեքերիմից՝ պաշարել է Անին։ Ճակատամարտում հաղթել է եղբորը։ Հայ իշխանի միջնորդությամբ 1022 թվականին հաշտություն է կնքվել, որով Հովհաննես–Սմբատը թագավորելու էր Անիում և շրջակա գավառներում, իսկ Աշոտ Դ՝ Պարսկաստանին և Վրաստանին սահմանակից գավառներում։ Հաշտությունից հետո էլ եղբայրների միջև շարունակվել է պայքարը։ Աշոտ Դ օգնություն է ստացել նաև Բյուզանդիայի կայսր Վասիլ II կողմից։
Ծանոթագրություններ խմբագրել
- ↑ 1,0 1,1 1,2 1,3 1,4 1,5 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 1, էջ 488)։ 
|