Աննա Ռադիուս

Աննա Ռադիուս; իտալ.՝ Anna Maria Zuccari-Radius
Ծննդյան անուն	ֆր.՝ Anna Zuccari
Ծնվել է	մայիսի 7, 1846
Ծննդավայր	Միլան, Ավստրիական կայսրություն
Վախճանվել է	հուլիսի 13, 1918 (72 տարեկան)
Վախճանի վայր	Միլան, Իտալիայի թագավորություն
Գերեզման	Միլանի մոնումենտալ գերեզմանատուն
Գրական անուն	Neera
Մասնագիտություն	գրող և խմբագիր
Լեզու	իտալերեն
Քաղաքացիություն	Իտալիայի թագավորություն և Լոմբարդո-Վենետիկ
Ժանրեր	արձակ
Գրական ուղղություններ	վերիզմ
Ամուսին	Emilio Radius?
Զավակներ	Adolfo Radius?
	Neera Վիքիպահեստում

Աննա Ռադիուս (իտալ.՝ Anna Zuccari Radius, մինչև ամուսնությունը` Զուկարի, մայիսի 7, 1846(1846-05-07)^[1]^[2], Միլան, Ավստրիական կայսրություն^[3] - հուլիսի 13, 1918(1918-07-13)^[1], Միլան, Իտալիայի թագավորություն^[3]), իտալացի գրող, հայտնի է Նեերա կեղծանվամբ։

Կենսագրություն խմբագրել

Ճարտարապետի դուստր է։ Մեծացել է Կարավաջոյում։ 10 տարեկանում կորցրել է մորը։ Մեծացել է հարազատների ընտանիքում։ 1871 թվականին ամուսնացել է բանկիր Էմիլիո Ռադիուսի հետ։ 1875 թվականից հաճախել է գրական խմբակներ, որտեղ ծանոթացել է գրական վերիզմ ուղղության հայտնի ներկայացուցիչներ Ջովանի Վերգայի և Լուիջի Կապուանայի հետ։ Ինքը ևս հարում էր այդ ուղղությանը։

Ստեղծագործություն խմբագրել

Բեղմնավոր և հաջողակ գրող է, նրա ստեղծագործությունների հիմնական թեմատիկան հասարակության մեջ կնոջ դերի վերլուծությունն է։

Գրող Ա. Ռադիուսի շիրմաքարը

Նրա առաջին` «Il Pungolo» պատմվածքը հրատարակվել է 1875 թվականին։ Համագործակցել է մի շարք գրական ամսագրերի հետ։ 1890 թվականին հիմնել է իր «Vita Intima» ամսագիրը։ Իր պատմվածքներում ու վեպերում, որոնք հաճախ վերաբերվում էին սոցիալական թեմաների, Ա. Ռադիուսը ցուցաբերում է մեծ դիտողականություն և համարձակորեն պատկերում է իր ժամանակակից կյանքի տհաճ կողմերը։ Առաջին անգամ իր վրա ուշադրություն է հրավիրել «Marcello», «Un Romanzo», «Addio», «Un nido», «Vecchie catene» և այլ պատմվածքներով։ Ավելի ուշ նրա կողմից հրատարակվել են «Iride» (1880) պատմվածքների ժողովածուն և «Il castigo», «Il maritò dell’amica», «Teresa», «Senio», «Nel sogno» (1893) վեպերը։ Չնայած հաջողությանն ու հայտնիությանը, Ա. Ռադիուսը կարծում էր, որ կնոջ տեղն ընտանիքում է և տանը` համարելով դա իսկական ֆեմինիզմ։

Մահացել է Միլանում, օնկոլոգիական հիվանդությունից։ Մահից առաջ նա թելադրել է իր հուշերը, որոնք տպագրվել են հետմահու` «19-րդ դարի երիտասարդ մարդու դիմանկարը» խորագրով։

Թաղված է Միլանի մոնումենտալ գերեզմանատանը։

Ստեղծագործություններ խմբագրել

Un romanzo (վեպ, 1876)
Addio! (վեպ, 1877)
Il castigo (1881)
Dizionario d’igiene per le famiglie (Ընտանեկան հիգիենայի բառարան) (Պաոլո Մանտեգացցայի հետ համահեղինակությամբ, 1881)
Teresa (վեպ, 1886)
Lydia (վեպ, 1887)
L’indomani (Վաղը) (վեպ, 1890)
Il libro di mio figlio (էսսե, 1891)
Battaglie per un’idea (էսսե, 1897)
Battaglie per un’idea (էսսե, 1898)
Le idee di una donna (Կանացի միտք) (1903)
Il marito dell’amica (վեպ)

Ծանոթագրություններ խմբագրել

↑ ^1,0 ^1,1 ^1,2 ^1,3 ^1,4 FemBio տվյալների շտեմարան (գերմ.)
↑ ^2,0 ^2,1 Բրոքհաուզի հանրագիտարան (գերմ.)
↑ ^3,0 ^3,1 ^3,2 ^3,3 ^3,4 ^3,5 ^3,6 WeChangEd

Արտաքին հղումներ խմբագրել

«Радиус Анна». Բրոքհաուզի և Եֆրոնի հանրագիտական բառարան: 86 հատոր (82 հատոր և 4 լրացուցիչ հատորներ). Սանկտ Պետերբուրգ. 1890–1907.{{cite book}}: CS1 սպաս․ location missing publisher (link)
Anna Zuccari Radius(իտալ.)

Վիքիպահեստն ունի նյութեր, որոնք վերաբերում են «Աննա Ռադիուս» հոդվածին։

[_e7bf8a3612779189-1] 1,0 ^1,1 ^1,2 ^1,3 ^1,4 FemBio տվյալների շտեմարան (գերմ.)

[_693dcc46ed691f93-2] 2,0 ^2,1 Բրոքհաուզի հանրագիտարան (գերմ.)

[_eb747fc1163b199c-3] 3,0 ^3,1 ^3,2 ^3,3 ^3,4 ^3,5 ^3,6 WeChangEd

[1]

[2]

[3]