Անծանոթուհին

Անծանոթուհին (ռուս.՝ Неизвестная), Իվան Կրամսկոյի 1883 թվականին ստեղծած կտավն է, հեղինակի ամենաճանաչված գործերից։ Ստեղծագործությունը ցուցադրվում է Մոսկվայի Տրետյակովյան պատկերասրահում։

Անծանոթուհին
տեսակ	գեղանկար
նկարիչ	Իվան Կրամսկոյ
տարի	1883
բարձրություն	75,5 ± 0,1 սանտիմետր
լայնություն	99 ± 0 սանտիմետր
ժանր	դիմապատկեր
նյութ	յուղաներկ և կտավ
գտնվում է	Տրետյակովյան պատկերասրահ
հավաքածու	Տրետյակովյան պատկերասրահ
պատկերված են կին
Ծանոթագրություններ
The Unknown (Kramskoy) Վիքիպահեստում

Ստեղծագործության նկարագիրը

Կտավին պատկերված է գեղեցիկ, վստահ, հպարտ կնոջ դիմանկար Սանկտ Պետերբուրգի Նևսկի պողոտայի վրա Անիչկովի պալատի ֆոնին։ Կինը բաց կառքի մեջ է, հագնված է ըստ 1880-ական թվականների վերջին նորաձևության։ Փետրավոր թավշե գլխարկով է, մորթե, ժապավեններով զարդարված վերարկուով։ Նուրբ կաշվե ձեռնոցներով և մորթե ձեռնամուշտակով է։ Կինը տիրական, խորհրդավոր և մի փոքր տխուր հայացքով է։ Ստեղծագործությունը դիմանկարի և թեմատիկ նկարի սահմանագծում է։

Հերոսուհին

Բնորդուհին անհայտ է։ Հեղինակը ոչ իր նամակներում, ոչ էլ հուշերում տեղեկություն չի թողել բնորդուհու մասին։ Կա մի քանի վարկած՝

• Կրամսկոյի կենսագիրները և դուստրը՝ Կրամսկայա-Յոնկերը, պնդում են, որ ստեղծված դիմանկարը վերցված է տարբեր բնորդուհիներից։ Կրամսկոյի դուստրը նույնպես բնորդուհու դեր է կատարել նկարի համար։
• Ըստ մի այլ վարկածի նկարի հերոսուհին Կուրսկից ճորտ գյուղացի Մատրյոնա Սավիշնան է, որն ամուսնացել էր ազնվական Բեստուժևի հետ։ Նկարիչը նրանց ընտանիքի բարեկամն էր։
• Երրորդ վարկածը պնդում է, որ անծանոթուհին Ալեքսանդր II ցարի սիրուհի Եկատերինա Դոլգորուկովան էր, և որ դիմանկարը պատվիրել էր ցարը։

Գրականություն

• Государственная Третьяковская галерея. Искусство XII — начала XX века, М. СканРус, 2007, 166-167, 978-5-93221-120-5
• Wachtel, Andrew, Plays of expectations, University of Washington Press, 2007, 58, 0-2959-8647-6