Այրում (կայարան)
Այրում, Հարավկովկասյան երկաթուղու սահմանամերձ կայարան։ Գտնվում է Գյումրիից 141 կմ հեռավորության վրա, իսկ Թբիլիսիից՝ 75 կմ։ Բացվել է 1892 թվականին Թբիլիսի - Գյումրի հատվածի հետ միասին։ Կայարանը տեղակայված է Դեբեդ գետի մոտ՝ Այրում գյուղի մերձակայքում, որից էլ ստացել է իր անվանումը։
Այրում կայարան | |
|---|---|
| Ե. ու. բաժանմունք | Հարավկովկասյան երկաթուղի |
| Բացվել է | 1899[1] |
| Ելք դեպի | Այրում |
| Կայարանի կոդ | 564702 |
| Հղումը Վիքիպահեստում | |
Գործունեություն խմբագրել
Կայարանը Հարակովկասյան երկաթուղու միակ գործող հսկիչ անցակետն է։ Այստեղ իրագործվում է․
- հեռընթաց ուղևորատար գնացքների մաքսային հսկողություն,
- վրացական և հարավկովկասյան երկաթուղիների միջև բեռնափոխադրող գնացքների ընդունում կամ ճանապարհում,
- քաղաքամերձ գնացքների շրջանառություն։
Այրում երկաթուղային կայարանով ամեն օր անցնում է Երևան-Թբիլիսի հեռընթաց գնացքը։ Կայարանում ավարտվում է Այրում - Վանաձոր - Գյումրի մերձքաղաքային գնացքը (Հայաստանի կողմից)[2], իսկ Վրաստանի կողմից գնացքները հասնում են միայն մինչև Սադախլո կայարան՝ 13 կմ դեպի հյուսիս[3]։
Նկարագրություն խմբագրել
Կայարանն ունի 8 ուղի, նաև նորոգակայան և գործող մեկնակայարան։ Պահպանվող երկաթուղային անցումը գտնվում է կայարանից արևելք։
Միջադեպեր խմբագրել
2011 թվականի հոկտեմբերի 2-ին Այրումի երկաթուղային կամրջի մոտ տեղի ունեցավ սողանք, ինչի արդյունքում փակվեց մայրուղին։ Չնայած դրան՝ երկաթուղային հաղորդակցությունը չընդհատվեց, իսկ Երևան-Թբիլիսի մարդատար գնացքը շարունակեց աշխատել իր սովորական ժամանակացույցով[4]։
Ծանոթագրություններ խմբագրել
- ↑ Железнодорожные станции СССР. Справочник. — М., Транспорт, 1981
- ↑ Андрей Уланов. «Айрум - Гюмри». unla.webservis.ru.
- ↑ Андрей Уланов. «Тбилиси - Айрум». unla.webservis.ru.
- ↑ «Железнодорожная станция "Айрум" на севере Армении не пострадала от оползня». PanARMENIAN.Net. Վերցված է 2016 թ․ դեկտեմբերի 9-ին.