Ամրաշինություն
Ամրաշինություն, ռազմա-ճարտարապետական գիտություն տեղանքը ռազմական կառույցներով ամրացնելու մասին[1]։
Ամրաշինությունը ներառում է գույքերի, տեղորոշման, կառուցման կանոնները, հարձակման ու սահմանների պաշտպանության պատնեշների և ամրությունների մեթոդական ուսումնասիրությունը։ Պարիսպները և արգելքները շատ հաճախ գծանշվում են հենց տեղանքում. հետևաբար ամրաշինությունը ուսումնասիրում է տեղական բնական պատնեշների և պարիսպների ամրացոումը և դրանց ամրապնդումը արհեստական ամրակներով։ Դրանց օգտագործող կողմի ամրացումներն արհեստականորեն նպաստավոր պայմաններ են ստեղծում ռազմական գործողությունների համար և նպաստում են սեփական զորքերի նվազագույն կորուստներով թշնամուն մեծագույն վնաս հասցնելուն (Պորտ Արթուրի մոտ հարձակվողների կորուստները 16 անգամ ավելի են եղել, քան պաշտպանվողների կորուստները)։ Ցարական Ռուսաստանում պաշտպանական կառույցների կառուցման գործընթացների ամբողջությունը կոչվում էր արեոտեկտոնիկա[2]։ Ամրաշինությունը որպես արհեստական պատնեշների և արգելքների գիտություն բաժանված է երեք ոլորտների՝ դաշտային, երկարաժամկետ և ժամանակավոր։
Արհեստական խոչընդոտներ խմբագրել
Արհեստական խոչընդոտները նախատեսված են դիրքերից կամ ամրացումից հակառակորդին նպատակաուղղված դիտակետում, կրակի տակ պահելու և դրանով իսկ նրա կորուստները մեծացնելու համար։ Ընդհանրապես, արհեստական խոչընդոտները տեղադրվում են կրակի գծից 50-150 քայլ հեռավորության վրա եւ դրանով ստիպում են արգելքը հաղթահարելուց վրդովված հակառակորդին որոշ ժամանակ մնալ պաշտպանի կրակի տակ։ Շահավետ չէ արհեստական խոչընդոտներ կրակի գծից ավելի քան 150 քայլ հեռավորության վրա տեղադրելը՝ մառախուղի և մթնշաղի ժամանակ դրանք դիտարկելու դժվարության և ճակատի երկայնքով խոչընդոտի հեռավորության մեծացման պատճառով։ Արհեստական արգելքները ստեղծվում են նաև քողարկված, գաղտնի, թշնամու տեսադաշտից հեռու։
Ծանոթագրություններ խմբագրել
- ↑ Գագիկ Հարությունյան (պատմաբան), Սուրեն Մարտիկյան, Արտակ Մովսիսյան (պ.գ.թ.), Մեր հաղթանակները, հ. Ա (խմբ. Էդուարդ Լ.Դանիելյան), Երևան, ««Գասպրինտ» ՍՊԸ», 2010 — 259, էջեր 259 — 259 էջ. — 500 հատ։
- ↑ Д. В. Артюхович Ареотектоника // Строительство. Энциклопедический словарь. — Ставрополь: «Параграф», 2011. — С. 25. — 766 с. — ISBN 978-5-904939-17-5