Ալեքսանդր Մոիսի
Ալեքսանդր Մոիս (ապրիլի 2, 1879[1][2][3], Տրիեստ, Ավստրո-Հունգարիա[4] - մարտի 22, 1935[4], Վիեննա, Ավստրիա[4]), գերմանացի դերասան։ Ազգությամբ ալբանացի։ 1898 թ.-ից սովորել է Վիեննայի կոնսերվատորիայում (բարիտոն)։
Ալեքսանդր Մոիսի գերմ.՝ Alexander Moissi | |
---|---|
Ծնվել է | ապրիլի 2, 1879[1][2][3] |
Ծննդավայր | Տրիեստ, Ավստրո-Հունգարիա[4] |
Մահացել է | մարտի 22, 1935[4] (55 տարեկան) |
Մահվան վայր | Վիեննա, Ավստրիա[4] |
Գերեզման | Morcote |
Քաղաքացիություն | Ավստրիա |
Մասնագիտություն | թատրոնի դերասան, կինոդերասան և դերասան |
Երեխա(ներ) | Bettina Moissi? |
Եղել է «Բուրգթեատրի» դերասան։ 1904 թ.-ից աշխատել է Մ. Ռայնհարդի ղեկավարությամբ, 1905-33 թթ.-ին՝ Գերմանական թատրոնում և «Կամերշպիլե»-ում (Բեռլին)։ Մոիսի պլաստիկան և ձայնի երանգների հարստությունը օգնել են ստեղծելու երազող, միայնակ մարդկանց կերպարներ (Օսվալդ, Իբսենի «Ուրվականներ»)։ Հիասթափված բուրժուական իրականությունից՝ ձգտել է ցույց տալ դաժան և անարդար կյանքից տառապող հերոսների ողբերգությունը՝ Համլետ (Շեքսպիրի «Համլետ»), Պրոտասով (Լև Տոլստոյի «Կենդանի դիակ»), Իվանով (Անտոն Չեխովի «Իվանով»), Ֆրանց Մոոր (Շիլլերի «Ավազակներ»)։ Ֆաշիստների իշխանության գլուխ անցնելուց հետո 1933 թ.-ին հեռացել է Գերմանիայից և աշխատել Ավստրիայում, Իտալիայում։
Ծանոթագրություններ խմբագրել
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 673)։ |
Վիքիպահեստն ունի նյութեր, որոնք վերաբերում են «Ալեքսանդր Մոիսի» հոդվածին։ |