Ալեքսանդր Մակքուին
Լի Ալեքսանդր Մակքուին (անգլ.՝ Lee Alexander McQueen, մարտի 17, 1969[1][2][3][…], Լյուիշեմ, Լուիշեմ, Մեծ Լոնդոն, Անգլիա, Միացյալ Թագավորություն - փետրվարի 11, 2010[4][5][1][…], Մայֆեր, Վեստմինստեր, Մեծ Լոնդոն, Անգլիա, Միացյալ Թագավորություն), նորաձև հագուստի անգլիացի դիզայներ։ Բրիտանական կայսրության կոմանդորի շքանշանակիր, չորս անգամ ճանաչվել է տարվա լավագույն բրիտանացի մոդելավորող։
| Ալեքսանդր Մակքուին անգլ.՝ Lee Alexander McQueen | |
|---|---|
 | |
| Ծնվել է | մարտի 17, 1969[1][2][3][…] |
| Ծննդավայր | Լյուիշեմ, Լուիշեմ, Մեծ Լոնդոն, Անգլիա, Միացյալ Թագավորություն |
| Մահացել է | փետրվարի 11, 2010[4][5][1][…] (40 տարեկան) |
| Մահվան վայր | Մայֆեր, Վեստմինստեր, Մեծ Լոնդոն, Անգլիա, Միացյալ Թագավորություն |
| Գերեզման | Kilmuir |
| Քաղաքացիություն | .svg){kind=small} Միացյալ Թագավորություն |
| Մայրենի լեզու | անգլերեն |
| Կրթություն | Սուրբ Մարտինի արվեստի և դիզայնի կենտրոնական քոլեջ և Rokeby School? |
| Երկեր | No. 13 Climax? և Dante? |
| Մասնագիտություն | դիզայներ, նորաձևության դիզայներ և արվեստագետ |
| Աշխատավայր | Givenchy, Gieves & Hawkes?, Alexander McQueen և Գուչի |
| Պարգևներ և մրցանակներ | |
| Կայք | alexandermcqueen.com |
 Alexander McQueen Վիքիպահեստում | |
Կենսագրություն խմբագրել
Ծնվել է Լոնդոնում տաքսիստի և սոցիալական գիտությունների ուսուցչի ընտանիքում։
16 տարեկանում ավարտելով դպրոցը՝ Մակքուինն աշխատել է Անդերսոնի և Շեֆերդի (Anderson and Shepherd) ատելիեում, հետո Սևիլ Ռոուի արհեստանոցում՝ որպես դերձակ։ Արհեստանոցում նա մասնագիտացել է տղամարդկանց կոստյումներ կարելու մեջ, որոնք ստեղծվում էին բարձր խավի համար մասնավոր պատվերով։ Նրա հաճախորդներից էին Ուելսի արքայազնը, լորդ Ռոդշիլդը և Միխայիլ Գորբաչովը։ Հետո նա աշխատել է «Բերմանս և Նաթան» թատրոնի կոստյումների արտադրամասում։ 1991 թվականին Մակքուինն ավարտել է Սուրբ Մարտինի լոնդոնյան արվեստի քոլեջը։ Նրա դիպլոմային աշխատանքը եղել է «Jack the Ripper Stalks His Victims» հավաքածուն։
Քոլեջն ավարտելուց հետո աշխատել է սկզբում ճապոնացի դիզայներ Կոջի Տացունոյի մոտ, ապա իտալացի մոդելյոր Ռոմեո Ջիլիի մոտ Միլանում։ 1994 թվականին Մակքուինը ներկայացրել է զգեստների իր անձնական հավաքածուն Լոնդոնի նորաձևության շաբաթվա ընթացքում։ Հաջորդ մի քանի տարիներին նա վարել է ազատ նկարչի կյանք և վաստակել տաղանդավոր խուլիգանի համբավ[6]։
1996 թվականին նա հրավիրվել է Givenchy նորաձևության տան գեղարվեստական տնօրենի պաշտոնի համար։ 2001 թվականին նա թողել է այդ տունը և աշխատանքի անցել Gucci Group կազմակերպությունում։
2003 թվականին հայտնվել է առաջին Alexander McQueen Kingdom բույրը, մեկ տարի անց ստեղծել է դրա՝ տղամարդկանց համար նախատեսված տարբերակը։ Երեք տարի անց դիզայները ցուցադրել է McQ երիտասարդական ապրանքանիշի առաջին հավաքածուն։
2005 թվականի հոկտեմբերին դիզայները «Պումա» կազմակերպության համար ստեղծել է սպորտային կոշիկների հավաքածու։ 2007 թվականի սկզբին Samsonite Black Label կազմակերպությունը թողարկել է նրա դիզայնով նկարազարդ ճամպրուկներ, որոնք հիշեցնում էին մարդու կրծքավանդակը։ Աշնանը Մակքուինը Մոսկվայում բացել է իր 4-րդ ֆիրմային բուտիկը (նախորդները բացվել են Լոնդոնում, Միլանում և Նյու Յորքում)։
2009 թվականին նա ստեղծել է Շեվալյե դ’Էոնին նվիրված «Էոնագատա» ներկայացման համար հագուստներ։ Նախագծի ռեժիսորը եղել է Ռոբերա Լեպաժը, խորեոգրաֆը՝ Ռասսել Մալիֆանտը, բալետի պարուհին՝ Սիլվի Գիլեմը։
Մահ խմբագրել
2010 թվականի փետրվարի 11-ին Մակքուինին գտել են իր սեփական տանը կախված[7]։ Ինչպես հայտնել է բրիտանական «Sky News» նորությունների հեռուստաալիքը, դատաբժշկական փորձաքննության հաստատմամբ մահվան հավանական պատճառը եղել է ինքնասպանությունը[8]։ Փետրվարի 3-ին մահացել էր մայրը՝ Ջոյիսը, որի պատճառով Մակքուինն ընկել է դեպրեսիայի մեջ։ Բրիտանական ոստիկանությունը հաստատել է, որ զգեստապահարանում նա թողել է գրություն, որի տեքստը չի բացահայտվել[9]։
Անձնական կյանք խմբագրել
Ալեքսանդր Մակքուինը եղել է բացահայտ համասեռամոլ[10]։ 2000 թվականին նա քաղաքացիական ամուսնություն է կնքել բրիտանացի կինովավերագիր Ջորջ Ֆորսայթի հետ[11]։
Մրցանակներ և պարգևներ խմբագրել
1996, 1997, 2001 և 2003 թվականներին իր աշխատանքների համար Մակքուինն արժանացել է տարվա լավագույն դիզայների կոչմանը։ Ամերիկայի դիզայներների խորհրդի (CFDA) կարծիքով 2003 թվականին եղել է «Տարվա դիզայներ»։ McQ հավաքածուի համար նա 2007 թվականին ստացել է նորաձևության տնօրինությամբ մրցանակ, ինչպես նաև այլ մրցանականեր։
2003 թվականի ամռանը Ալեքսանդր Մակքուինն արժանացել է Բրիտանական կայսրության շքանշանի և դրան համապատասխան կոմանդորի տիտղոսի։
Ծանոթագրություններ խմբագրել
- ↑ 1,0 1,1 1,2 1,3 1,4 Բրոքհաուզի հանրագիտարան (գերմ.)
- ↑ 2,0 2,1 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 3,0 3,1 Grimaud P. E. McQueen, (Lee) Alexander // Grove Art Online / J. Turner — [Oxford, England], Houndmills, Basingstoke, England, New York: OUP, 2018. — ISBN 978-1-884446-05-4 — doi:10.1093/GAO/9781884446054.ARTICLE.T2081321
- ↑ 4,0 4,1 4,2 http://www.telegraph.co.uk/fashion/fashionnews/7223477/Alexander-McQueens-family-left-raw-by-his-death.html
- ↑ 5,0 5,1 5,2 Alexander McQueen (նիդերլ.)
- ↑ Александр Маккуин. Биографическая справка. // РИА Новости
- ↑ Британский модельер Александр МакКуин покончил с собой
- ↑ Модельер Александр МакКуин повесился Արխիվացված 2010-02-14 Wayback Machine — «Белорусские новости»
- ↑ Би-Би-Си: «Полиция подтвердила, что модельер МакКуин повесился»
- ↑ «Alexander McQueen Biography». Glbtq.com. Արխիվացված է օրիգինալից 2013 թ․ մայիսի 24-ին. Վերցված է 2010 թ․ փետրվարի 11-ին.
- ↑ Би-Би-Си: Обзор британских газет, 15.02.2008
Արտաքին հղումներ խմբագրել
- Ալեքսանդր Մակքուին Թվիթթերում
- Биография Александра МакКуина Արխիվացված 2017-08-12 Wayback Machine // Fashion Forum(անգլ.)
- Елена Юдина. Александр МакКуин // «ELLE Россия» № 18, февраль 1998.
- Заменить Александра МакКуина невозможно. Продолжить его дело — задача сверхамбициозная. Интервью Сары Бертон Արխիվացված 2018-02-23 Wayback Machine // Interview Magazine, март 2012.