Ալեքսանդր Հովհաննիսյան (դերասան)

Անվան այլ կիրառումների համար տե՛ս՝ Ալեքսանդր Հովհաննիսյան (այլ կիրառումներ)

Ալեքսանդր (Սաշա) Անդրեասի Հովհաննիսյան (ապրիլի 12 (24), 1895, Բաքու, Ռուսական կայսրություն - մայիսի 15, 1949(1949-05-15), Բաքու, Ադրբեջանական ԽՍՀ, ԽՍՀՄ), հայ խորհրդային դերասան։ Ադրբեջանական ԽՍՀ ժողովրդական արտիստ (1940)։

Ալեքսանդր Հովհաննիսյան
Ծնվել է	1895 ապրիլի 24
Ծննդավայր	Բաքու
Մահացել է	մայիսի 15, 1949(1949-05-15) (տարիքը 54)
Մահվան վայր	Բաքու
Քաղաքացիություն	Ռուսական կայսրություն և  ԽՍՀՄ
Ազգություն	հայ
Մասնագիտություն	դերասան
Պարգևներ և մրցանակներ	և

Գործունեություն

Մասնակցել է սիրողական, 1914 թվականից՝ Սիրանույշի, Հովհաննես Աբելյանի խմբերի ներկայացումներին։ 1918 թվականին եղել է Բաքվի կոմունայի պաշտպաններից, ապա անցել է Պարսկաստան՝ միացել Արմեն Արմենյանի թատերախմբին։ 1921 թվականին վերադարձել է Բաքու, աշխատել նաև Թիֆլիսի, Ալեքսանդրապոլի քաղլուսվարի, Երևանի հեղափոխության թատրոններում։ 1925-1949 թվականներին եղել է Բաքվի հայկական թատրոնի առաջատար ուժերից, դրամատիկական տաղանդով, նուրբ հումորով օժտված արտիստ։ Խաղացել է դրամատիկական և բնութագրական դերեր։

Լավագույն դերակատարումներից են՝

• Պեպո՝ Գաբրիել Սունդուկյանի «Պեպո»
• Զիմզիմով, Փարսիդ՝ Գաբրիել Սունդուկյանի «Քանդած օջախ»
• Ռուստամ, Բարխուդար, էլիզբարով (Շիրվանզադեի «Նամուս», «Պատվի համար»)
• Օթար բեկ՝ Ցուժին-Սումբատովի «Դավաճանություն»
• Քաղաքագլուխ՝ Գոգոլի «Ռևիզոր»
• Օթելլո՝ Շեքսպիրի «Օթելլո»
• Շահնազար՝ Զաբարլիի «Յաշար»
• Մելիք աղա՝ Վաղարշ Վաղարշյանի «Օղակում»
• Ասլան ամի՝ Վաղարշյանի «Վանքաձոր»

Գրականություն

• Գևորգ Աբաջյան, Ալեքսանդր Հովհաննիսյան Ե., ՀԹՀ, 1984, 94 էջ։

Արտաքին հղումներ

• Ալեքսանդր Հովհաննիսյանի մասին Էյ Վի Փրոդաքշն կայքում Արխիվացված 2020-06-25 Wayback Machine

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 6, էջ 568)։