Ագուասկալիենտես (քաղաք)
Ագուասկալիենտես(իսպ.՝ Aguascalientes), քաղաք, որը գտնվում է Մեքսիկայում, Ագուասկալիենտես նահանգի մայրաքաղաքը և համանուն համայնքի վարչական կենտրոնը։ Բնակչությունը՝ ▲934 424 մարդ (2012)։
Բնակավայր | |||
---|---|---|---|
Ագուասկալիենտես | |||
իսպ.՝ Aguascalientes | |||
| |||
Երկիր | Մեքսիկա | ||
Հիմնադրված է | 1575 թ. | ||
Մակերես | 1168,72 կմ² | ||
ԲԾՄ | 1888±1 մետր | ||
Պաշտոնական լեզու | իսպաներեն | ||
Բնակչություն | ▲934 424 մարդ (2012) | ||
Ժամային գոտի | UTC-6 և UTC-5 | ||
Հեռախոսային կոդ | 449 | ||
Փոստային դասիչ | 20000–20999 | ||
Պաշտոնական կայք | ags.gob.mx | ||
| |||
Անվանումը ծագում է իսպաներեն «aguas calientes» բառերից է, որոնք նշանակում են «տաք ջրեր»։
Պատմություն խմբագրել
Քաղաքը հիմնադրել է 1575 թվականի հոկտեմբերի 22-ին Խուան դե Մոնտորո Ռոդրիգեսը։ Քաղաքն առաջացել է որպես կայան, որը նախատեսված էր Սակատեկասի և Մեխիկոյի միջակայքում հանգիստ առնելու համար։ Չէր ենթադրվում, որ բնակավայրը կարևոր կետ կլինի, այնուամենայնիվ, քաղաքը դարձավ նահանգի մայրաքաղաք, և նրա մետրոպոլիսային տարածքում ներկայումս ապրում է շուրջ մեկ միլիոն մարդ[1]։
Այն դարձել է համանուն նահանգի գլխավոր քաղաքը, երբ նրա տարածքը 1835 թվականից առանձնացվել է հարևան Սակատեկաս նահանգից։ Սակատեկասից առանձնանալուց հետո Ագուասկալիենտեսը բուռն թափով զարգացել է՝ առաջ անցնելով հարևան քաղաքներից։
Ագուասկալիենտեսը սկզբանապես բաղկացած էր չորս շրջաններից.
- Գվեդելուպան, որտեղ շատ ճանապարհորդներ ուղևորության ընթացքում մնացին Մեքսիկայի մայրաքաղաքում։ Այստեղ են գտնվում Մեքսիկայի ամենագեղեցիկ գերեզմանատները։
- Տրիանա, որը անվանվել է ի պատիվ Սևիլյաի լեգենդար շրջանի։ Իսպանական ավանդույթներն այստեղ դրսևորվում էին հին քաղաքի շինությունների ոճով։ Այստեղ է գտնվում Խոսե Գվադալուպ Պոսադայի տուն-թանգարանը և հոյակապ եկեղեցին։
- Լա Սալյուդը վանական մեծ համալիր է, որը կիսակառույց է։ Կառուցել են միայն եկեղեցին, գերեզմանատունը և գաղութային ոճի հրապարակը։
- Սան Մարկոսը մի վայր է, որտեղ հարյուրավոր տարիներ նշվում է Սուրբ Մարկոսի տոնը։ Այն ունի նեոդասական այգի և բարոկկո ոճով կառուցված եկեղեցի։
Ներկայիս վիճակ խմբագրել
Ներկայումս Ագուասկալիենտեսը բաղկացած է հին քաղաքից, որը հարուստ է գաղութային շրջանի շինություններով և շրջագծով, որտեղ արագընթաց ավտոմայրուղիները կիսում են արդյունաբերական գոտիները։ Այս քաղաքում ներգաղթի ցուցանիշը ավելի բարձր է, քան հարևան քաղաքներինը, ինչը կապված է ավելի բարձր կենսամակարդակի հետ։ Ներկայումս Ագուասկալիենտեսը Մեքսիկայում 13-րդ խոշորագույն քաղաքային ագլոմերիացիան է։ Այստեղ գործում են «Nissan», «Texas Instruments», «Sensata», «Flextronics» և «FANUC Robotics» և հանրահայտ այլ ընկերությունների ձեռնարկություններ։
Կլիմա խմբագրել
Պատկերասրահ խմբագրել
-
Մեքսիկայի վիճակագրության և աշխարհագրության ազգային ինստիտուտի գլխավոր գրասենյակ
-
Cerro del Muerto Ags
Ծանոթագրություններ խմբագրել
- ↑ Javier Rodríguez Lozano. «En estos días Aguascalientes llegará al millón de habitantes - La Jornada Aguascalientes (LJA.mx)». La Jornada Aguascalientes (LJA.mx). Արխիվացված է օրիգինալից 2019 թ․ օգոստոսի 20-ին. Վերցված է 2014 թ․ սեպտեմբերի 7-ին.
Արտաքին հղումներ խմբագրել
- Պաշտոնական էջ
- Enciclopedia de los Municipos de México: Aguascalientes
- Municipio Virtual de Aguascalientes
- Gobierno Municipal de Aguascalientes
Վիքիպահեստն ունի նյութեր, որոնք վերաբերում են «Ագուասկալիենտես (քաղաք)» հոդվածին։ |