«Մարտական ակումբ (ֆիլմ)»–ի խմբագրումների տարբերություն
Նոր էջ «{{Տեղեկաքարտ Ֆիլմ | հայերեն անվանում = Մարտական ակումբ | բնօրինակ անվանում = Fight Club | պատկե...»: |
(Տարբերություն չկա)
|
20:23, 29 Դեկտեմբերի 2012-ի տարբերակ
«Մարտական ակումբ» (անգլ.՝ Fight Club) ֆիլմի ռեժիսորը Դեյվիդ Ֆինչերն է: Ֆիլմը հիմնված է Չակ Պալանիկի համանուն վեպի վրա:
Մարտական ակումբ անգլ.՝ Fight Club | |
---|---|
Երկիր | ԱՄՆ Գերմանիա |
Ժանր | ֆլեշբեք ֆիլմ, դրամա, թրիլեր, վեպի էկրանավորում և հոգեբանական թրիլեր ֆիլմ |
Թեմա | Ալտեր էգո |
Հիմք | Մարտական ակումբ |
Թվական | 1999 |
Լեզու | Անգլերեն |
Ռեժիսոր | Դեյվիդ Ֆինչեր |
Պրոդյուսեր | Ռոս Գրեյսոն Բելլ Չեն Չաֆին Արտ Լինսոն |
Սցենարի հեղինակ | Չակ Պալանիկ (վեպ) Ջիմ ՈՒլս (սցենար) |
Դերակատարներ | Էդվարդ Նորթոն Բրեդ Փիթ Հելենա Բոնեմ Քարթեր |
Օպերատոր | Ջեֆ Քրոնենվեթ |
Երաժշտություն | The Dust Brothers Ջոն Քինգ Մայքլ Սիմպսոն |
Մոնտաժ | James Haygood? |
Պատմվածքի վայր | Լոս Անջելես |
Նկարահանման վայր | Լոս Անջելես |
Կինոընկերություն | 20th Century Fox Regency Enterprises Linson Films |
Տևողություն | 139 րոպե |
Բյուջե | $63 000 000 |
Շահույթ | $37 030 102 (ԱՄՆ) |
MPAA վարկանիշ | |
IMDb | ID 0137523 |
Պաշտոնական կայքէջ | |
Fight Club Վիքիպահեստում |
Սյուժե
Ֆիլմում Էդվարդ Նորթոնը խաղում է անանուն պատմողի` դիմազրկված քաղքենու, որը դժգոհ է իր կյանքից: Նա օճառ արտադրող Թայլեր Դուրդենի (Բրեդ Փիթ) հետ ստեղծում է «Մարտական ակումբ» ընդհատակյա կազմակերպությունը: Պատմողը աշխատում է մեքենաշինական ձեռնարկության գրասենյակում՝ շատ ժամանակ անցկացնելով գործուղումներում: Ազատ ժամանակ նա կահավորում է իր բնակարանը: Նա կարծում է՝ մի քանի գնումներից հետո այլևս ոչնչի կարիքը չի ունենա: Պատմողը տառապում է անքնությունից: Դեղի փոխարեն բժիշկը խորհուրդ է տալիս նրան զբաղվել սպորտով և կատակելով առաջարկում այցելել ձվերի քաղցկեղով հիվանդ տղամարդկանց ժողովը՝ տեսնելու նրանց, ովքեր իսկապես տառապում են: Այնտեղ գլխավոր հերոսը ծանոթանում է Բոբի հետ, իսկ հետո՝ Մարլա Սինգերի (Հելենա Բոնեմ Քարթեր) հետ: Վերջինս կարծում էր, որ մահանալ կարելի է յուրաքանչյուր վայրկյանին. ողբերգությունն այն է, որ դա տեղի չի ունենում: Պատմողը և Մարլան փորձում են դասակարգել իրենց խմբերն այնպես, որ չհանդիպեն իրար: Սակայն «կրկնորդի» հետ հանդիպումը հանում է հերոսին հավասարակշռությունից, և նրա մոտ նորից վերադառնում է անքնությունը: Հերթական գործուղումից վերադառնալիս հերոսը ինքնաթիռում ծանոթանում է Թայլեր Դուրդենի հետ, որը օճառ էր արտադրում և վաճառում: Օդանավակայանից իր տուն հասնելով՝ Պատմողը հայտնաբերում է, որ իր բնակարանը ամբողջովին քանդվել է ուժեղ պայթյունից: Ինչ-որ մի բան հուշում է հերոսին, որ նա կարող է զանգել Թայլերին և աջակցություն ստանալ նրա կողմից: Հետագայում նրանք բարերից մեկի նկուղում հիմնադրում են մարտական ակումբ:
Մի անգամ Մարլան ընդունում է քնաբերի վտանգավոր քանակ և զանգահարում Պատմողին: Լսափողը վերցնում է Թայլերը: Վերջինս բերում է նրան իր մոտ և մտնում սեռական կապի մեջ: Թայլերի գլխավորությամբ մարտական ակումբը վերածվում է «Ջախջախում» նախագծի, որն իրագործում էր վանդալության ավելի ու ավելի ավերիչ գործողություններ՝ զոմբիացող հասարակության դեմ մղվող պայքարի կարգախոսների ներքո: Նախագծի ակտիվ զարգացումը և պատճառած վնասները վախեցնում են գլխավոր հերոսին, որը աստիճանաբար հեռանում է դրանից: Վեճից և ավտովթարից հետո Թայլերը հեռանում է Պատմողի կյանքից: Երբ Բոբը (նա նույնպես մտել էր այդ ակումբի կազմի մեջ և դարձել էր «Ջախջախում» նախագծի մասնակիցներից մեկը) մահանում է հանձնարարության կատարման ժամանակ, գլխավոր հերոսը փորձում է վերջ տալ այդ քայքայիչ գործունեությանը: Նա բոլոր խոշոր քաղաքներում հայտնաբերում է մարտական ակումբներ, և դրանց մասնակիցները նրան Թայլեր էին անվանում: Մարլայի հեռախոսազանգը վկայեց Պատմողի ենթադրությունը, որ Թայլերը հենց ինքն է (ավելի ճիշտ՝ alter ego): Նրա աչքերի առաջ հայտնվում է Թայլերը, որը բացատրում է, որ ինքը տիրում է Պատմողի մարմնին այն ժամանակ, երբ նա քնած է: Հերոսը պարզում է, որ Թայլերը որոշել է քանդել խոշոր ֆինանսային ձեռնարկությունները: Նա դիմում է ոստիկաններին և պարզում, որ վերջիններս նույնպես «Ջախջախում» նախագծի անդամներ են: Հերոսը ինքն է փորձում վնասազերծել պայթուցիկը՝ պահված ձեռնարկություններից մեկի գրասենյակում: Նրան փորձում է խանգարել Թայլերը: Հերոսը վերջապես հասկանում է, որ Թայլերի և իր մոտ նույն մարմինն է, և օգտվելով դրանից՝ դնում է ատրճանակը իր բերանի մեջ և կրակում: Փամփուշտը վնասում է Պատմողի այտը, իսկ Թայլերին՝ սպանում:
Դերերում
- Էդվարդ Նորթոն - Պատմող
- Բրեդ Փիթ - Թայլեր Դուրդեն
- Հելենա Բոնեմ Քարթեր - Մարլա Սինգեր
- Ջարեդ Լետո - «Հրեշտակի դեմք»
- Միթ Լոուֆ - Ռոբերտ Պոլսոն (Բոբ)
Ստեղծումը
Պրոդյուսեր Ռոս Բելլը առաջարկել էր դերասան Ռասսել Քրոուին խաղալ Թայլեր Դուրդենի դերը: Պրոդյուսեր Արտ Լինսոնը, որը միացել էր նախագծին ավելի ուշ, առաջարկեց Բրեդ Փիթին: Քանի որ Արտ Լինսոնը գլխավոր պրոդյուսերն էր, 20th Century Fox ստուդիան ընտրեց Բրեդ Փիթին: Վերջինս «Ծանոթացեք, Ջո Բլեք» ֆիլմի ձախողումից հետո նոր ֆիլմ էր փնտրում: Ստուդիան վստահ էր, որ «Մարտական ակումբ» ֆիլմը մեծ հաջողություն կունենա, և պայմանագիր կնքեց Բրեդ Փիթի հետ՝ առաջարկելով նրան $17.5 միլիոն: Անանուն պատմողի դերում ստուդիան ցանկանում էր տեսնել այնպիսի դերասանների, ինչպիսիք են Մեթ Դեյմոնը և Շոն Փենը: Դեյվիդ Ֆինչերը այդ դերի համար առաջարկեց Էդվարդ Նորթոնին՝ հիմնվելով վերջինիս խաղի վրա «Ժողովուրդն ընդդեմ Լարի Ֆլինթի» ֆիլմում: Մնացած ստուդիաները Նորթոնին առաջարկում էին գլխավոր դերեր «Տաղանդավոր պարոն Ռիփլին» և «Մարդը լուսնի վրա» ֆիլմերում: 20th Century Fox ստուդիան առաջարկեց Նորթոնին $2.5 միլիոն աշխատավարձ: Վերջինս միանգամից չէր կարող ընդունել այդ առաջարկը, քանի որ նա պետք է խաղար Paramount Pictures ստուդիայի ֆիլմերից մեկում: Նորթոնը Paramount ստուդիայի հետ պարտավորություն ստորագրեց, ըստ որի նա պետք է խաղար այդ ստուդիայի ֆիլմերից մեկում ցածր աշխատավարձով (Նորթոնը կատարեց պարտականությունը՝ խաղալով «Իտալական աշխատանքը» ֆիլմում): Մարլա Սինգերի դերի համար պրոդյուսերները առաջարկում էին Քորթնի Լավին և Վայնոնա Ռայդերին: Ստուդիան ցանկանում էր տեսնել այդ դերում նաև Ռիզ Ուիզերսփունին, սակայն Ֆինչերը մերժեց՝ պատճառաբանելով, որ նա շատ երիտասարդ է այդ դերի համար: Նա ընտրեց Հելենա Բոնեմ Քարթերին՝ հիմնվելով վերջինիս դերի վրա «Աղավնու թևերը» ֆիլմում: Նկարահանման ժամանակ Ֆինչերը օգտագործում էր Super 35 ֆորմատը: Նա որպես օպերատորի վարձեց Ջեֆ Քրոնենվեթին: Վերջինիս հայրը՝ Ջորդան Քրոնենվեթը, Օտարը 3 ֆիլմի օպերատորն էր, սակայն թողեց աշխատանքը Պարկինսոնի հիվանդության պատճառով:
Նոմինացիաներ
- 2000 — «Օսկար» — լավագույն ձայնային մոնտաժ
- 2000 — «Brit» — լավագույն սաունդթրեք
- 2000 — «MTV Movie Award» — լավագույն մարտ՝ Էդվարդ Նորթոն (իր դեմ կռվելու համար)