'''Մխիթար Անեցի''', — XII դարի վերջի և XIII դարի սկզբին ապրած հայ պատմիչ, [[Անիի Սբ. Աստվածածին Կաթողիկե եկեղեցի|Անիի կաթողիկե եկեղեցու]] ավագերեց: Գրել է «Պատմություն» երկասիրությունը (Հառիճա վանքի Գրիգոր վարդապետի խնդրանքով): Պատմությունը հավանաբար կազմված էր երեք մասերից: Առաջին մասում ընդգրկված էր եղել հայոց [[Պարույր Սկայորդի|Պարույր թագավոր]]ից մինչև Բագրատունի Գագիկ Ա թագավորի գահակալությունն ընկած ժամանակաշրջանը, երկրորդում` XI դարի 60-ական թթ. և XII դարի պատմական անցքերը և երրորդում` խաչակրաց արշավանքների պատմությունը<ref>Լ.Հ. Բաբայան, Դրվագներ Հայաստանի զարգացած ֆեոդալիզմի դարաշրջանի պատմագրության, Երևան, 1981, էջ 189:</ref>: «Պատմությունից» մեզ է հասել միայն առաջին մասի սկզբի գլուխները (ԻԷ գլուխը ներառյալ): Գրել է նաև այլ աշխատություններ, որոնք ժամանակի ընթացքում կորել են:
Մխիթար Անեցու գրական ժառանգության մասին տեղեկություններ են հաղորդում [[Վարդան Արևելցի]]ն և [[Ստեփանոս Օրբելյան]]ը:
