«Լյաոնին»–ի խմբագրումների տարբերություն

'''Լյաոնին''', նահանգ [[Չինաստան]]ի հյուսիս-արևելքում։ Սահմանակից է [[Հյուսիսային Կորեա]]յին (ԿԺԴՀ), հարավում ողողվում է [[Դեղին ծով]]ով։ Տարածությունը 230 հազար կմ² է, բնակչությունը՝ 29,5 միլիոն ([[1972]] թվական), [[2020 թվական]]ին անցկացված [[մարդահամար]]ի տվյալներով՝ 42,591 միլիոն{{բնակ}}<ref>{{cite web|title=Communiqué of the Seventh National Population Census (No. 3)|url=http://www.stats.gov.cn/english/PressRelease/202105/t20210510_1817188.html|publisher=National Bureau of Statistics of China|lang=en}}</ref>, վարչական կենտրոնը՝ [[Շենյան]]։ Խոշոր բնակավայրերից է նաև [[Դալյան]] քաղաքը։ Ընդգրկում է Սունլյաո հարթավայրի մի մասը, Մանջուրա-Կորեական և Ժեխե լեռների ճյուղավորությունները։ Կլիման մուսսոնային է, շոգ և խոնավ ամառով, ցուրտ և սակավաձյուն ձմեռով։ Տարեկան տեղումները 500-1000 մմ են։ Խոշոր գետը Լյաոհեն է։ Բուսածածկույթում գերակշռում են տափաստանները, լեռներում՝ լայնատերև և փշատերև անտառները։ Լյաոնին Չինաստանի արդյունաբերական կարևոր շրջանն է։ Տալիս է երկրում արդյունահանվող [[Քարածուխ|քարածխի]], երկաթահանքի, թերթաքարերի և էլեկտրաէներգիայի մեծ մասը։ Գյուղատնտեսության մեջ գերակշռում է հացահատիկի, հատիկաընդավորների, [[բամբակ]]ի, [[կանեփ]]ի, [[ծխախոտ]]ի և բանջարաբոստանային կուլտուրաների մշակումը։ Զարգացած են նաև պտղաբուծությունը, [[շերամապահություն]]ն ու [[ձկնորսություն]]ը։ Գլխավոր նավահանգիստներն են Լյույդան, Ինկոուն։