«Տիգրան Դևոյանց»–ի խմբագրումների տարբերություն

[[Պատկեր:Image from page 115 of "Persia past and present; a book of travel and research, with more than two hundred illustrations and a map" (1906) (14595495180).jpg|ձախից|մինի|220x220փքս|Թավրիզը 1906 թվականին]]

[[1906]] թվականին նա փորձում է ընդունվել Թիֆլիսի առևտրական դպրոցը, բայց հանդիպելով տեղի ղեկավարության անձնական վատ վերաբերմունքը, վերադառնում է Երևան ու ավարտում տեղի գիմնազիայի 8-րդ դասարանը։ Այնուհետև հանձնում է քննություններն ու սովորում է Տոմսկի համալսարանի լեռնային ճարտարագիտության բաժնում՝ ստանալով մանկավարժի մասնագիտություն։ 1907-1912 թվականներին հեղափոխականների հետապնդումների ժամանակ բանտակրվում է նաև նա, սակայն հոր երաշխավորությամբ ազատ է արձակում, վերադառնում Երևան ու զբաղվում դասավանդմամբ։ Սակայն մեկ ու կես տարի անց կրկին ձերբակալվում է ու տեղափոխվում ռուսական բանտ։ Դևոյանցը փախչում է բանտից, որոշ ժամանակ բնակվում է [[Դրաստամատ Կանայան|Դրոյի]] մոտ, սակայն հետո [[Հայ Յեղափոխական Դաշնակցություն|ՀՅԴ]] գործուն մասնակցությամբ տեղափոխվում է [[Թավրիզ]]։ Այստեղ հայկական կենտրոնական դպրոցում նա դասավանդում է ռուսաց լեզու, երկրաչափություն ու հանրահաշիվ, ունենում է մեծ մասնակցություն [[Թավրիզ]]ի, [[Սալմաստ]]ի, [[Ուրմիա (քաղաք)|Ուրմիայի]] ու [[Խոյ (քաղաք)|Խոյի]] ՀՅԴ կազմակերպությունների գործունեությանը։ Շուրջ 9 տարի հեռակա թղթակցում է [[Քրիստափոր Վերմիշյան|Քրիստափոր Վերմիշևի]]՝ Բաքվում լույս տեսնող «Բագու» ու «Կավկազսկիյ տելեգրաֆ» թերթերին՝ Տիգր, Դեվո, Օմեգա ու Աշոտ կեղծանուններով։ Ալֆա ծածկանունով թղթակցում է սոցիալիստ-հեղափոխականների «Զնամյա տրուդա» ու Թավրիզի «Առավոտ» թերթերին<ref name=":0" />։

1913 թվականին Պարսկաստանում ներքին անկայուն վիճակից ելնելով նա մի շարք ընկերների հետ մեկնում են [[Աղթամար կղզի|Ախթամար կղզի]], այնտեղից [[Բայազետ]]ով [[Էրզրում]], իսկ այնուհետև [[Սամսուն]] ու [[Կոստանդնուպոլիս|Կոնստանդնուպոլիս]]։ Ճանապարհին նա ձեռք է բերում տարբեր կեղծ փաստաթղթեր, որոնք թույլ են տալիս թաքցնել ինքնությունը։ Ճանապարհի մի մասը նրանց ուղեկցում է [[Դրաստամատ Կանայան|Դրոն]], ում տեղի քրդերը մեծ պատվով էին ընդունում։ [[1913]] թվականին նա Աշոտ Հովսեփյան կեղծանունով բնակվում է Պոլիսում, իսկ սեպտեմբերին մեկնում է [[Օրդու]] քաղաք ու ստանձնում երկու հայկական դպրոցներին տնօրենի պաշտոնը։