«Բանհադոս դե Իգուապե էկոլոգիական կայան»–ի խմբագրումների տարբերություն
Նոր էջ «{{Տեղեկաքարտ Կանաչ գոտի |անվանում = Բանհադոս դե Իգուապե էկոլոգիական կայան |բնօրինակ անվանում = Estaco Ecológica dos Banhados de Iguape |տեսակ = էկոլոգիական կայան }} '''Բանհադոս դե Իգուապե էկոլոգիական կայան''' ({{lang-pt|Estaco Ecológica dos Banhados de Iguape}}), էկոլոգիական կայան Բրազիլիայի Սան Պաուլ...»: |
(Տարբերություն չկա)
|
15:30, 2 հունվարի 2022-ի տարբերակ
Բանհադոս դե Իգուապե էկոլոգիական կայան (պորտ.՝ Estaco Ecológica dos Banhados de Iguape), էկոլոգիական կայան Բրազիլիայի Սան Պաուլու նահանգում։ Պաշտպանում է մանգլենիների ճահճուտային տարածքը։ 2013 թվականից այն կառավարվում է որպես Ժուրեիա Իտատինս էկոլոգիական կայանի մաս։
 Estaco Ecológica dos Banhados de Iguape | |
|---|---|
| Տեսակ | էկոլոգիական կայան |
| Երկիր |  Բրազիլիա |
| Վարչատարածք | Սան Պաուլու |
  | |
Տեղագրություն
Բանհադոս դե Իգուապե էկոլոգիական կայանն ընդգրկում է հարավում Սան Պաուլուի 16,588.64 հա մանգլենիներով ճահճուտային տարածքը։ Այցելությունները թույլատրվում են միայն բնապահպանական կրթության և գիտական հետազոտությունների նպատակով։ Կայանը ներառում է որոշ տարածքներ Մեծ Բանհանդոյից և Փոքր Բանհանդոյից, որոնք պարունակում են մի քանի վտանգված և էնդեմիկ տեսակներ։ Երկու տարածքները Սերրա դու Բանանալի, Սերրա դոս Իտատինսի և Ժուրեայի զանգվածի կարևոր մասերն են։ Դրանք պարունակում են Ատլանտյան անտառի ընդարձակ տարածքն ու հարակից էկոհամակարգերը։
Պատմություն
Բանհադոս դե Իգուապե էկոլոգիական կայանը սկիզբ է առնում 1958 թվականին ստեղծված Իտատինս պետական արգելոցից։ 1984 թվականին տարածքը ներառվել է Կանանեա-Իգուապե-Պերուիբի շրջակա միջավայրի պահպանության գոտում։ 1986 թվականին Սերրա դու Մարի Ատլանտյան լանջի բիոտան հայտարարվել է հատուկ պետական պահպանության տարածք։ Էկոլոգիական կայանը ստեղծվել է նահանգի նահանգապետի 2006 թվականի մարտի 30-ի 50.664 որոշմամբ՝ ապահովելու բուսական, կենդանական աշխարհի, տեսարժան գեղեցկության և ծովային ու ցամաքային էկոհամակարգերի ամբողջական պաշտպանությունը։ Բաղկացած էր երեք հատվածներից, որոնք հարում էին Ժուրեիա Իտատինս էկոլոգիական կայանին[1]։
2006 թվականի դեկտեմբերի 12-ին Ժուրեիա Իտատինս էկոլոգիական կայանը սահմանող օրենքը փոփոխվեց՝ որոշ ոլորտներ բացառելու և վերադասակարգելու նպատակով։ Ձևավորվեց Ժուրեիա Իտատինս Մոզաիկը և նոր կազմաձևում Բանհանդոս դե Իգուապեն ինտեգրվեց Ժուրեիա Իտատինս էկոլոգիական կայանի հետ[1]։ Մոտ 110,000 հա տարածքով Մոզաիկը ներառում էր նաև Իտունգուսու և Պրելադո պետական պարկերը, Իլհաս դու Աբրիգու վայրի բնության ապաստարանը, Բարրա դու Ունա ու Դեսպրայադո կայուն զարգացման արգելոցները։
2009 թվականին Մոզաիկի գործունեությունը դադարեցվեց և տարածքը կրկին կառավարվեց որպես էկոլոգիական կայան։ 2013 թվականի ապրիլի 8-ի 14982 օրենքը կրկին վերասահմանեց Ժուրեիա էկոլոգիական կայանի տարածքը` վերստեղծելով մյուս պահպանության միավորները, համանուն Մոզաիկը և կրկին ներառելով 2136 հա Բանհադոյի տարածքը ու 14428 հա Բանհադո Գրանդեն՝ Ժուրեիա Իտատինս էկոլոգիական կայանում[1]։
Ծանոթագրություններ
Աղբյուրներ
- ESEC dos Banhados do Iguape (Portuguese), ISA: Instituto Socioambiental, Վերցված է 2016-07-22-ին
{{citation}}: CS1 սպաս․ չճանաչված լեզու (link)