Պաշտպանության նախարար դառնալուց հետո Վազգեն Մանուկյանն հավատարիմ մնաց իր երդմանը<ref name=":25">{{Cite web|url=https://www.youtube.com/watch?v=yvRuLUBPx98&t=3s|title=Սուր անկյուն.Հատուկ դեպքեր 10.11.2014 - Թողարկում 29 / Sur ankyun.hatuk depqer}}</ref>: Քարվաճառի օպերացիայից անմիջապես հետո սկսվեցին [[Մարտակերտի շրջան (ԼՂԻՄ)|Մարտակերտի]] ազատագրման նախապատրաստական աշխատանքները: Շատ կարճ ժամանակում վերախմբավորեցին ուժերն ու միջոցները: 1993 թվականի ամռան սկզբին սկսվեցին գործողությունները: Հայկական ուժերը մարտնչում էին ողջ հյուսիսային ճակատով և հունիսի 26-ին նրանց հաջողվում է գրավել «Հեռուստաաշտարակ» և «Պուշկեն յալ» կոչվող բարձրունքները: Երբ Պն նախարար Վազգեն Մանուկյանը զեկուցում է բարձրունքների գրավելու մասին նախագահ Տեր-Պետրոսյանին, վերջինս հետաքրքրվում է, թե դա ինչ է նշանակում: Վազգեն Մանուկյանը բացատրում է, որ գիշերը հետախուզությունը կմտնի Մարտակերտ, իսկ առավոտյան արդեն զորքը կմտնի քաղաք, ու վաղը Մարտակերտը կրկին մերը կլինի <ref name=":25">{{Cite web|url=https://www.youtube.com/watch?v=yvRuLUBPx98&t=3s|title=Սուր անկյուն.Հատուկ դեպքեր 10.11.2014 - Թողարկում 29 / Sur ankyun.hatuk depqer}}</ref>: [[Մարտակերտի ազատագրման ռազմական գործողություն (1993)|Հունիսի 27-ին ազատագրվեց Մարտակերտը]]: Հայկական կողմը անցավ գերիշխող բարձունքների և հիմնական ճանապարհային ուղղությունների պաշտպանությանը:
