«Շուշիի հռչակագիր»–ի խմբագրումների տարբերություն
Նոր էջ «{{Տեղեկաքարտ Պայմանագիր | Անվանում = Շուշիի հռչակագիր | Լրիվ_անվանում = Համագործակցության մասին Շո...»: |
(Տարբերություն չկա)
|
06:34, 17 Հունիսի 2021-ի տարբերակ
Համագործակցության մասին Շուշիի հռչակագիր (ադրբ.՝ Müttəfiqlik Haqqında Şuşa Bəyannaməsi, թուրքերեն՝ İttifaklık Hakkında Şuşa Beyannamesi) Ադրբեջանի և Թուրքիայի նախագահներ Իլհամ Ալիևի և Ռեջեփ Թայիփ Էրդողանի կողմից 2021 թվականի հունիսի 15 - ին ստորագրված համագործակցության մասին պայմանագիր[1][2]։
Շուշիի հռչակագիր | |
---|---|
Համագործակցության մասին Շուշիի հռչակագիր | |
Ստորագրվել է — վայր |
2021 թ. հունիսի 15 Շուշի |
Պատմություն
Թուրքիայի նախագահ Ռեջեփ Թայիփ Էրդողանը տիկնոջ՝ Էմինեի ընկերակցությամբ, և պետական բարձրաստիճան պաշտոնյաների ուղեկցությամբ 2021 թվականի հունիսի 14-ին պաշտոնական այցով ժամանել է Ադրբեջան[3]: Հունիսի 15-ին թուրքական պատվիրակությունն ավտոշարասյունով ուղևորվել է Ֆիզուլի։ Ադրբեջանի նախագահ Իլհամ Ալիևը հյուրերին դիմավորել է Ֆիզուլիում։ Երկու երկրների ղեկավարները միասին մեկնել են Շուշի (ադրբեջաներեն՛ Շուշա)։ Նույն օրը Շուշիում ստորագրվել է երկու երկրների համագործակցության մասին պայմանագիր: Փաստաթուղթը կոչվում է «Շուշիի հռչակագիր»[4][5]:
Նախագահների հայտարարությունները
Փաստաթղթի ստորագրումից հետո Իլհամ Ալիևն ասել է, որ այն բարձրագույն մակարդակի է հասցնում Ադդրբեջանի և Թուրքիայի համագործակցությունը: Հռչակագիրը ենթադրում է փոխադարձ ռազմական օգնություն և սերտ համագործակցություն ռազմարդյունաբերության ոլորտում: «Մեր ստորագրած դաշնակցային համաձայնագիրը ցույց է տալիս մեր հետագա համագործակցության ուղիները, հռչակագրում կարևորվում է փոխգործությունը միջազգային մակարդակում, էներգետիկ անվտանգության, Հարավային գազային միջանցքի, տնտեսության, առևտրի, մշակույթի, սպորտի բնագավառներում, բայց ես ուզում եմ առանձնացնել երկուսը՝ համագործակցությունը ռազմարդյունաբերության ոլորտում և փոխադարձ ռազմական օգնությունը»,- ասել է Ալիևը: Նա «պատմական մեծ նվաճում է» անվանել դեկլարացիան: Ալիևը խոսել է նաև այսպես կոչված «Զանգեզուրի միջանցքի» մասին, ասելով, թե «դա հնարավոր է դարձել ղարաբաղյան պատերազմից հետո ստեղծված աշխարհաքաղաքական նոր իրավիճակի արդյունքում»[6]:
Թուրքիայի նախագահը գովեստով է խոսել Ադրբեջանի հետ «եղբայրական հարաբերությունների» մասին: Նա ասել է, թե նպատակահարմար է առաջ տանել «Վեցի պլատֆորմի» գաղափարը, որը ենթադրում է տարածաշրջանի վեց պետությունների՝ Ռուսաստանի, Վրաստանի, Թուրքիայի, Հայաստանի, Իրանի և Ադրբեջանի համագործակցություն: «Մենք ուզում ենք, որ Հարավային Կովկասը դառնա խաղաղության տարածաշրջան»,- ասել է Էրդողանը։
Ծանոթագրություններ
- ↑ president.azԱդրբեջանի Հանրապետության Նախագահի պաշտոնական էջ
- ↑ Erdoğan ve Aliyev 'Şuşa Beyannamesi'ne imza attı
- ↑ "СМИ: Эрдоган прибыл в Шушу для подписания соглашения по Нагорному Карабаху". ТАСС. Retrieved 16 June 2021.
- ↑ "«Исторический день»: о чем Эрдоган и Алиев договорились в Карабахе". Газета.Ru (in Russian). Retrieved 16 June 2021.
- ↑ Türkiye ve Azerbaycan arasında Şuşa Beyannamesi imzalandı!
- ↑ Azerbaijan, Turkey sign declaration of alliance as Erdogan visits Karabakhchina.org.cn/world
Արտաքին հղումներ
- Հռչակագրի տեքստը (ադրբ.)
- Հռչակագրի տեքստը (թուրք.)
- Հռչակագրի տեքստը (ռուս.։ թարգմանվել է ադրբ.)