Ժամանակակից արվեստի թանգարան (Սանտյագո)

Ժամանակակից արվեստի թանգարան (իսպ.՝ Museo de Arte Contemporáneo), գեղարվեստական թանգարան Սանտյագոյում (Չիլի)։

Ժամանակակից արվեստի թանգարան
Տեսակ	ժամանակակից արվեստի թանգարան
Երկիր	Չիլի
Տեղագրություն	Սանտյագո և Սանտյագո կոմունա
Վայր	Parque Forestal, Santiago?
Ղեկավարության նստավայր	Սանտյագո, Չիլի
Հիմնադրվել է	օգոստոսի 15, 1947
Կայք	mac.uchile.cl

Թանգարան և հավաքածու

Թանգարանը բացվել է 1947 թվականի օգոստոսի 15-ին։ Ներկայում կառավարվում է Չիլիի համալսարանի արվեստների ֆակուլտետի կողմից և գտնվում է երկու վայրում՝ Չիլիի գեղարվեստի ազգային թանգարանի հետնամասում գտնվող Ֆորաստալ զբոսայգում և Կինտա Նորմալ զբոսայգում՝ «Վերսալ պալատ» կոչվող շենքում։

Թանգարանի հավաքածուն պարունակում է ավելի քան երկու հազար արվեստի գործ, այդ թվում՝ 1200 փորագրություն, 450 լուսանկար, շուրջ 600 գեղանկար, շուրջ 200 գծանկար և ջրաներկ և 90 քանդակ։ Հավաքածուն ներառում է 19-րդ դարի վերջից ստեղծագործած նկարիչների գործեր, այդ թվում՝ չիլիացի նկարիչներ Ռոբերտո Մատտայի, Գուլյերմո Նունյեսի, Նեմեսիո Անտունեսի, Մատիլդե Պերեսի և Խոսե Բալմեսի ստեղծագործություններից։ Բացի այդ, հավաքածուն ներառում է այնպիսի արտասահմանցի նկարիչների գործեր, ինչպիսիք են Օսվալդո Գուայասամինը (Էկվադոր), Իսամու Նոգուտին (ԱՄՆ), Ֆրիդենսրայխ Հունդերտվասերը (Ավստրիա), Դևիդ Բաթչելորը (Անգլիա), Խեսուս Ռուիս Նեստոսը (Պարագվայ), Էմիլիո Պետորուտին և Դինո Բրուսոնեն (երկուսն էլ՝ Արգենտինա)։

Թանգարանի ղեկավարներ

• Մարկո Ա. Բոնտա (1947-1962)
• Նեմեսիո Անտունես (1962-1964)
• Լուիս Օյարսուն Պենյա (1964-1965)
• Ֆեդերիկո Ասլեր (1965-1968)
• Ալբերտո Պերես (1968-1970)
• Գիլերմո Նունյես (1971-1972)
• Լաուտարո Լաբբե (1972-1973)
• Էդուարդո Օսանդոն (1973-1976)
• Մարթա Բենավենտե (1976-1980)
• Դոլորես Մուխիկա Գարսիա Ույդոբրո (1981-1991)
• Ռոսարիո Լետելյեր Վիալ (1991-1998)
• Ֆրանցիսկո Բրուգնոլի (1998 թվականից)

Արտաքին հղումներ

• Museo de Arte Contemporáneo (MAC)