«Շուշաննա Թովմասյան»–ի խմբագրումների տարբերություն

Ծնվել է 1992 թ. նոյեմբերի 14-ին, ՀՀ [[Ծաղկաձոր]] քաղաքում։ Ավարտել է Արիսյանի անվան միջնակարգ դպրոցը։ 2007-08 թթ սովորել է [[Հայաստանի Երգի պետական թատրոն]]ի հաղորդավարության բաժնում, 2011 թ.` [[Աբել Աբելյան|Ա. Աբելյանի]] ղեկավարած «Առաջին պրոֆեսիոնալ» դերասանական ստուդիայում։ 2010 թ. ընդունվել է Երևանի [[Խաչատուր Աբովյանի անվան հայկական պետական մանկավարժական համալսարան|Խ.Աբովյանի անվան պետական մանկավարժական համալսարանի]] կուլտուրայի ֆակուլտետի մասսայական հանդիսությունների և ռեժիսուրայի բաժին։ 2012 թ-ից բարձրագույն ուսումը շարունակել է [[Երևանի թատրոնի և կինոյի պետական ինստիտուտ]]ի հեռուստառեժիսուրայի բաժնում։ 2011-13 թթ. նկարահանվել է «Արմենիա» հեռուստաընկերության «Դժվար ապրուստ» հեռուստասերիալում, 2013-15 թթ.` «Տնփեսա» հումորային հեռուստանախագծում Անուշիկ կերպարով։ 2015 թ. «Թատրոն 32»-ում մարմնավորել է Կարմիր գլխարկին` «Կարմիր գլխարկ» մանկական ներկայացման մեջ։ 2016-2017թթ. Նկարահանվել է «Երանի» հեռուստասերիալում Անիի կերպարով։ 2017 թ. նկարահանվել է նաև «Մոռացված կանգառը» հեռուստասերիալում։ Այնուհետև նկարահանվել է «Երևի» հեռուստասերիալում մարմնավորելով Եվայի կերպարը, հետո նկարահանվեց «Ձյունանուշ» ամանորյա մանկական ֆիլմում, իսկ 2020 թ. նկարահանվել է «Սիրուն Սոնա» հեռուստասերիալում, որտեղ ներկայացել է Սոնայի կերպարում գլխավոր հերոսուհի։