«Դոմինիկ Սկուտեցկի»–ի խմբագրումների տարբերություն
Նոր էջ «{{Տեղեկաքարտ Նկարիչ}} '''Դոմենիկ (Դոմենիկա) Սկուտեցկի''' ({{lang-sk|Dominik Skutecký}}, {{ԱԾ}}), սլովակ գ...»: |
(Տարբերություն չկա)
|
10:07, 3 Ապրիլի 2021-ի տարբերակ
Դոմենիկ (Դոմենիկա) Սկուտեցկի (սլովակ.՝ Dominik Skutecký, փետրվարի 9, 1848 կամ փետրվարի 14, 1849[1][2], Gajary, Մալացկի շրջան, Բրատիսլավայի երկրամաս, Սլովակիա - մարտի 13, 1921[3][4][1][…], Բանկա Բիստրիկա, Սլովակիա[3]), սլովակ գեղանկարիչ:
Դոմինիկ Սկուտեցկի | |
|---|---|
 | |
| Ծնվել է | փետրվարի 9, 1848 կամ փետրվարի 14, 1849[1][2] |
| Ծննդավայր | Gajary, Մալացկի շրջան, Բրատիսլավայի երկրամաս, Սլովակիա |
| Վախճանվել է | մարտի 13, 1921[3][4][1][…] |
| Մահվան վայր | Բանկա Բիստրիկա, Սլովակիա[3] |
| Քաղաքացիություն |  Ավստրիական կայսրություն և  Չեխոսլովակիա |
| Կրթություն | Վիեննայի գեղարվեստի ակադեմիա |
| Մասնագիտություն | նկարիչ |
| Զավակներ | Karola Skutecká? և Alexander Skutecký? |
 Döme Skuteczky Վիքիպահեստում | |
Կենսագրություն
Դ. Սկուտեցկին 1863 թվականից ապրել է Վիեննայում, որտեղ նա հաճախել է քանդակագործ Դ. Մեյկսների դասերին: 1865-1866 թվականներին սովորել է Վիեննայի գեղարվեստի ակադեմիային կից մասնավոր գեղարվեստական դպրոցում, այնուհետև շարունակել է ուսումը պրոֆեսորներ Կ. Վյուրզինգերի, Ե. Ենխերտի և Կ. Բլասսի մոտ, որն ավարտել է 1867 թվականին:
Ուսումն ավարտելուց հետո հաստատվել է Վենետիկում, Իտալիայում: Գործնական հմտություններ է ձեռք բերել Գեղեցիկ արվեստների իրական ակադեմիայի` Պ. Մոլմենտիգոյի պատմական գեղանկարչության դասարանում:
Այնուհետև ընդունվել է Մյունխենի գեղեցիկ արվեստների ակադեմիա, որտեղ հինգ ամիսների ընթացքում ծանոթացել ու ուսումնասիրել է նատուրալիզմի և լումինիզմի ժամանակակից գեղարվեստական ուղղությունները:
1889 թվականին վերադարձել է հայրենիք և հաստատվել է Բանսկա-Բիստրիցեում, որը դարձել է գեղանկարչի հիմնական աշխատատեղը:
Նրա դուստրը` Կարոլա Սկուտեցկայա-Կարվաշովան, նույնպես նկարչուհի է դարձել, իսկ որդին` Ալեքսանդր Սկուտեցկին, դարձել է հայտնի ճարտարապետ:
Ստեղծագործություն
Դոմինիկ Սկուտեցկին համարվում է 19-րդ դարի վերջի-20-րդ դարի սկզբի Սլովակիայի ամենահայտնի նկարիչներից մեկը: Ժանրային նկարների, դիմանկարների ու բնանկարների հեղինակ է:
Լինելով գեղանկարչության մեջ վենետիկյան ոճի ներկայացուցիչ` Դ. Սկուտեցկին պատկերել է ժողովրդական կյանքի տեսարաններ, նկարել է սլովակ պարզ մարդկանց («Դարբնոցում», «Բանսկա-Բիստրիցեի շուկան», 1889, Սլովակիայի ազգային պատկերասրահ, Բրատիսլավա):
Նկարչի ստեղծագործությանը հատուկ էր ստեղծվող կերպարների ժողովրդավարությունն ու ռեալիզմը, միջավայրը բնական, առանց ավելորդությունների ներկայացնելու ձգտումը: Նկարչի կողմից ստեղծված կտավները հիմնված են նրա ակադեմիական փորձի և իտալական նուրբ վարպետության ավանդույթների վրա:
Սկուտեցկին նշանակալի դեր է խաղացել Բանսկա-Բիստրիցայի մշակութային կյանքում: 1902 թվականին նրա կողմից ցուցահանդես է կազմակերպվել, որտեղ ցուցադրվել են ավելի քան 120 ստեղծագործություններ: Նրա նկարները գտնվում են շատ երկրների հավաքածուներում, գեղարվեստական թանգարաններում ու պատկերասրահներում, մասնավոր հավաքածուներում[5]:
Բանսկա-Բիստրիցայի պետական պատկերասրահում կազմակերպվել է հատուկ ցուցահանդես, որը նվիրված է եղել Դոմինիկ Սկուտեցկու ստեղծագործությանը:
Նկարներ
- Կայսր Մաքսիմիլիանը թելադրում է իր հուշերը (1867)
- Ինքնանկար (1868)
- Իտալուհի շիկահերը (մոտ 1869)
- Բնանկար Զոխորի մոտ (1872)
- Սեսիլիա Լվովայի դիմանկարը (1874)
- Շուկա Բանսկա-Բիստրիցեում (1890)
- Ֆրանց Իոսիֆ Առաջինի դիմանկարը Портрет Франца Иосифа I (1895)
- Երեկոն Հին սարերում Вечер в Старых горах (1898)
- Կնոջ դիմանկարը Портрет жены (1886)
- Դարբնոց Հին սարերում Кузница в Старых горах
- Սիրուն խառնաշփոթ Красивый беспорядок
- Աղավնիներով տիկինը Дама с голубями
- Կաթսաների կռում
- Թղթե ամրոց և այլն
Պատկերասրահ
-
"Դարբնոցում", 1897 -
"Վաճառողուհին", 1895 -
Շուկա Բանսկա-Բիստրիցեում (1890) -
Ծանոթագրություններ
- ↑ 1,0 1,1 1,2 1,3 1,4 Artists of the World Online, Allgemeines Künstlerlexikon Online, AKL Online (գերմ.) / Hrsg.: A. Beyer, B. Savoy — B: K. G. Saur Verlag, Verlag Walter de Gruyter, 2009. — ISSN 2750-6088 — doi:10.1515/AKL
- ↑ 2,0 2,1 Կերպարվեստի արխիվ — 2003.
- ↑ 3,0 3,1 3,2 3,3 3,4 3,5 Скутецкий Доминик // Большая советская энциклопедия (ռուս.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
- ↑ 4,0 4,1 4,2 Döme Skutezky (նիդերլ.)
- ↑ Stála expozícia Dominika Skuteckého Արխիվացված 2012-03-21 Wayback Machine, Stredoslovenská galleria, Banská Bystrica (2011)
Գրականություն
- Tilkovský, V. Dominik Skutecký: Život a díelo. Bratislava, 1954.
Արտաքին հղումներ
- Skutecký, Dominik (անգլ.)
 | Վիքիպահեստն ունի նյութեր, որոնք վերաբերում են «Դոմինիկ Սկուտեցկի» հոդվածին։ |