«Մաֆուսայիլի լամպը, կամ Չեկիստների և մասոնների միջև վերջին ճակատամարտը»–ի խմբագրումների տարբերություն
Ստեղծվել է «Лампа Мафусаила, или Крайняя битва чекистов с масонами» էջի թարգմանությամբ |
(Տարբերություն չկա)
|
05:49, 23 փետրվարի 2021-ի տարբերակ
«Մաֆուսայիլի լամպը, կամ Չեկիստների և մասոնների միջև վերջին ճակատամարտը» («Лампа Мафусаила, или Крайняя битва чекистов с масонами»), ռուս ժամանակակից գրող Վիկտոր Պելևինի տասնչորսերորդ վեպն է, որը գրվել է 2016 թվականին և հրատարակվել է նույն տարվա սեպտեմբերի 7-ին «Էքսմո» հրատարակչության կողմից։
Մաֆուսայիլի լամպը, կամ Չեկիստների և մասոնների միջև վերջին ճակատամարտը | |
---|---|
Տեսակ | գրական ստեղծագործություն |
Ժանր | վեպ |
Ձև | վեպ |
Հեղինակ | Վիկտոր Պելևին |
Բնագիր լեզու | ռուսերեն |
Գրվել է | 2016 |
Հրատարակչություն | Էքսմո |
Առաջին հատվածը վեպից լույս է տեսել «Իզվեստիա» թերթում օգոստոսի 29-ին։
Սյուժե
Գրքի նկարագրությունից. «Ինչպես հայտնի է, մեր երկրի միջազգային բարդ վիճակը բացատրվում է Ռուսաստանի ղեկավարության և համաշխարհային մասոնականության սուր հակասությամբ։ Բայց քչերն են հասկանում այս առճակատման արմատները, նրա ֆինանսական աստառն ու գաղտնախորհուրդ իմաստը։ Վիկտոր Պելևինի հիբրիդային վեպը պատռում է լռության շղարշը այս առեղծվածից՝ միաժամանակ պարզ ու մատչելի ձևով բացատրելով համաշխարհային քաղաքականության, տնտեսության, մշակույթի և մարդաբանության հիմնական խնդիրները։[1]։
Գրքի գլխավոր հերոսները Մոժայսկիների ընտանիքի երեք սերունդներն են, որոնք ծառայում են Հայրենիքին 19-րդ, 20-րդ և 21-րդ դարերում։ Գիրքը բաղկացած է չորս մասից.
- «Ոսկե բզեզ» «արտադրական պատմություն». գործողությունները տեղի են ունենում ֆոնդային բորսայում, ծանոթություն Մոժայսկիների տոհմի ներկայացուցիչներից մեկի՝ Կրիմպայ Մոժայսկու իրական և հնարովի խնդիրներին:
- «Մոժայսկու ինքնաթիռը» «տիեզերական դրամա». ներկայացված է չեկիստների խորամանկ ծրագիրը պատմվածքի տեսքով, որը գրվել է XIX դարի ռուս ազնվական Մարկիան Մոժայսկու անունից։ Այստեղ կա այն ժամանակվա լեզուն վերստեղծելու և երկու հարյուր տարի առաջվա և ժամանակակից ռուսաց լեզվի որոշ տարաձայնություններ առաջ բերելու փորձ։
- «Խրամլագ» «պատմական ակնարկ». ընտանիքի ներկայացուցիչ Մաֆուսայիլ Մոժայսկին «պատմական ուրվագծով» ներկայացնում է 20-րդ դարը, ՆԳ ժողկոմին հաշվետվություններ է ուղարկում Գուլագ ճամբարի՝ Նովայա Զեմլյայում գտնվող Խրամլագ հեռավոր ստորաբաժանումից զեկույցներ։
- «Կապուստինի սխրանքը» «օպերատիվ էտյուդ». այստեղ ընթերցողին պարզ է դառնում, որ գրքի գլխավոր հերոսն ամենասկզբից Անվտանգության դաշնային ծառայության գեներալ Ֆեոդոր Միխայլովիչ Կապուստինն է, որը զբաղվում է չեկիստի համար սովորական գործերով. նա լվանում է բնակչության ուղեղները և ամեն գնով պաշտպանում է իր իշխանությունը[2]։
Նախատիպեր
Ռուս գրող և փիլիսոփա Դմիտրի Եվգենևիչ Գալկովսկին ներկայացված է գրքի՝ «Խրամլագ» անվանումով երրորդ մասում, որը վերապատմում է պրոֆեսոր Գոլգոֆսկու իբր գիտական հոդվածը աքսորված մասոնների մասին, որոնք Աստծու հետ շփվելու համար Նովայա Զեմլյա կղզեխմբում պորտալ էին կառուցում, ձեռք էին բերել գերունակություններ և ծնունդ տվել խորհրդային ողջ գողական մշակույթին[3]։
Նշումներ
Արտաքին հղումներ
- Виктор Пелевин сделал прогнозы относительно валюты / Известия
- Виктор Пелевин написал свою версию «Бесов» / Известия