Արմենները վաղուց ապրել են [[Հայկական լեռնաշխարհ]]ի հարավարևմտյան և [[Փոքր Ասիա]]յի արևելյան մասում։ [[Ասորեստան]]յան արձանագրություններում Արմենները հիշատակվում են «ուրումե», իսկ ուրարտական արձանագրություններում՝ «ուրմե» կամ «արմե» անուններով, [[Հոմերոս]]ը հիշատակում է [[արիմներ]] ժողովրդի անունը։ Մ․թ․ա․ 23-րդ դարում գրված մի արձանագրությունում հիշատակվում է, որ [[Աքքադ]]ի [[Նարամսին]] թագավորի դեմ են ելել 17 թագավորներ, որոնցից 11-րդը [[Արմենի-Շուպրիա|Արմանի]] երկրի [[ՄանդակինաՄադակինա]] թագավորն է։ Երկրորդ հիշատակությունը [[Սարգոն]]ի (մ․թ․ա․ 2334-2284) մի արձանագրությունում է, ըստ որի Արմանի երկիրը Սարգոնի տիրապետության տակ է եղել։ «Ուրումե» տարբերակով առաջին անգամ հիշատակավել է Ասորեստանյան թագավոր [[Թիգլաթպալասար I|Թիգլաթպլասար Ա]] թագավորի (մ․թ․ա․ 1115-1077) ժամանակ։ Նա հիշատակել է որ ուրումեացիները գրավել են [[Արմենի-Շուպրիա|Շուպրիա]] երկրի [[Ալզի]] և [[Աղձնիք]]ի շրջանները։ [[Ուրարտացիներ]]ից առաջինը [[Մենուա]] արքան է արշավել [[Արմենի-Շուպրիա]]յի վրա, այն կոչելով Ուրմեուխի։ Մ․թ․ա․ 773 թվականին [[Արգիշտի Ա]]-ը արշավում է [[Ուրմե]]ի վրա, ավերելով և 24 հազար գերի տանելով։ «Արմե» ձևով առաջին անգամ հիշատակվում է [[Սարդուրի Բ]]-ի օրոք։ Նա 3 արշավանքներ է ձեռնարկում տանելով 8500 գերիներ։ [[Հերոդոտոս]]ից և հունական այլ հեղինակներից հայտնի է դառնում, որ Հայկական լեռնաշխարհում գոյություն են ունեցել երկու սատրապություններ՝ 18-րդը, որի բնակիչները առավելապես [[ալարոդներ]] են, և 13-րդը, որի բնակիչները առավելապես արմեններ են<ref name="">Предыстория армянского народа, И.М․Дьяконов, с. 238—239, прим. 126</ref>
