«Մարաղայի աստղադիտարան (Իրան)»–ի խմբագրումների տարբերություն

'''Մարաղայի աստղադիտարան''', հիմնադրվել է [[XIII դար]]ի 2-րդ կեսին, [[Մարաղա]] քաղաքում ([[Իրան]]ի հյուսիս-արեմուտքում), գործել է շուրջ հարյուր տարի։ Այդտեղ աշխատում էին տարբեր երկրների մի քանի տասնյակ գիտնականներ։ Աստղադիտարանում տեղակայված էին դիտման ու չափման 10 խոշոր գործիքներ, որոնք աչքի էին ընկնում իրենց մեծությամբ, յուրատիպ կառուցվածքով և այդ ժամանակների համար չգերազանցված ճշգրտությամբ։ Ուներ հարուստ գրադարան (շուրջ 40000 [[ձեռագիր]])։ [[Հանրագիտակ]] և պետական գործիչ Նասրեղղին[[Նասր ալ-Դին Թուսի|Նասրեդդին Թուսիի]] ղեկավարությամբ այստեղ թարգմանվել են կամ մեկնաբանվել հունական աստղագիտությանն ու հարակից գիտություններին վերաբերող կարևորագույն երկեր ([[Էվկլիդես]]ի, [[Արքիմեդ]]ի, [[Պտղոմեոս]]ի և ուրիշների), գրվել ինքնուրույն աշխատություններ՝ աստղագիտության ու [[Երկրաչափություն|երկրաչափության]] վերաբերյալ։ Մարաղայի աստղադիտարանում, դիտողական նյութի հիման վրա, կազմվել են մոլորակների շարժման ու [[աստղ]]երի դիրքերի ցուցակներ։ Հրատարակվել են 256 քաղաքների աշխարհագրական կոորդինատները և եռանկյունաչափական ֆունկցիաների վեցանիշ աղյուսակներ։