«Մավասի վանք»–ի խմբագրումների տարբերություն
Նոր էջ «{{Տեղեկաքարտ Կրոնական կառույց | անվանում = Մավասի վանք | տեսակ = վանք | երկիր = Արցախի Հանրապետությու...»: |
(Տարբերություն չկա)
|
09:14, 4 Նոյեմբերի 2020-ի տարբերակ
Մավասի վանք, գտնվում է Ամարասի հովտի աջ մասի լեռնաշղթայի բարձրադիր կետերում։ Կառուցվել է 13-րդ դարում, աչքի է ընկնում ամրաշինական կառույցներով, դժվարամատչելի դիրքով։ Տեղացիների համար վանքը նաև ամրոց է եղել և մեծ դեր է կատարել տեղացիների ինքնապաշտպանության գործը կազմակերպելու համար։
| Մավասի վանք | |
|---|---|
| Հիմնական տվյալներ | |
| Տեսակ | վանք |
| Երկիր |  Արցախի Հանրապետություն |
Վանքից պահպանվել է փոքրիկ եկեղեցին, կից գավթի ավերակները և աշխարհիկ մի շարք կառուցվածքների հիմնապատերի մնացորդները: Վերջերս փլվել է նրա երկթեք տանիքը։ Եկեղեցին ունի հետաքրքիր հորինվածք՝ կամարներ, սյուներ, աբսիդներ, լուսամուտների դեպի ներս լայնացող բացվածքներ, ունի երկու խաչքար, դամբարան՝ բեմատակում, չորս տապանաքար։
Եկեղեցու հատակագիծը ուղղանկյուն է (4,80 x 8,10 մետր), ամբողջ ծածկը հիմնականում բաշխած է երկուական սյուների և որմնամույթերի վրա, իսկ գավիթը, ըստ գետնամերձ պատերի, ունեցել է քառակուսի կամ քառակուսուն մոտ հատակագիծ։
Վանքի ավերակներում պահպանվել են խաչքարերի առանձին հատվածներ, որմածքի վիմագիր սրբատաշ բեկորներ։ 60-ական թվականների վերջերին եկեղեցու բակում կար մի խոշոր սրբատաշ քարաբեկոր, որի ճակատային մասում քանդակված էր թևատարած արծիվ։