«Արմավիրի պետական մանակավարժական համալսարան»–ի խմբագրումների տարբերություն
Ստեղծվել է «Армавирский государственный педагогический университет» էջի թարգմանությամբ |
(Տարբերություն չկա)
|
09:57, 6 Սեպտեմբերի 2020-ի տարբերակ
Արմավիրի պետական մանկավարժական համալսարան, ռուսական բուհ։ Լրիվ անվանումը՝ «Արմավիրի պետական մանկավարժական համալսարան» բարձրագույն կրթության դաշնային պետական բյուջետային ուսումնական հաստատություն: Բուհի գլխավոր մասնաշենքը գտնվում է Արմավիրում:
Արմավիրի պետական մանակավարժական համալսարան | |
---|---|
Տեսակ | կրթօջախ և կազմակերպություն |
Հիմնադրված է | մայիսի 11, 1948 |
Երկիր | Ռուսաստան[1] |
Տեղագրություն | Արմավիր |
Կայք | agpu.net |
Պատմություն
Արմավիրի պետական մանկավարժական համալսարանը Ռուսաստանի հարավի հնագույն ուսումնական հաստատություններից մեկն է, որն իրականացնում է մասնագիտական մանկավարժական կրթություն: Մասնագիտական մանկավարժական կրթությունը սկսվել է 1923 թվականին, երբ լուսավորության ժողովրդական կոմիսարիատի որոշմամբ ստեղծվեց Արմավիրի մանկավարժական տեխնիկումը։ 1932 թ. մանկավարժական տեխնիկումում բացվել է ասորական բաժանմունք, որի առաջին թողարկումը տեղի է ունեցել 1936 թ.: Արմավիրի մանկավարժական տեխնիկումի բազայի վրա կազմակերպվել են նաև ասորական ուսուցիչների վերապատրաստման կարճաժամկետ դասընթացներ:
Արմավիրի ժամանակավոր ֆաշիստական օկուպացիայի ժամանակ 1942 թ. օգոստոսից մինչև 1943 թ. հունվար մանկավարժական տեխնիկումը չի գործել։ 1944 թ. տեխնիկումը վերանվանվել է Արմավիրի մանկավարժական ուսումնարան: 1948թ. սեպտեմբերի 1-ից ուսումնարանի բազայի վրա բացվում է Արմավիրի ուսուցչական ինստիտուտը։ 1948թ. հուլիսի 27-ի լուսավորության նախարարության հրամանով Արմավիրի ՈւԻ-ի առաջին տնօրեն է նշանակվել Յարովա Վ. Ս.-ն, ով մինչ այդ կատարել է մանկավարժական ուսումնարանի վարիչի պարտականությունները:
1954 թ.հունիսի 26-ի N 954 որոշմամբ ուսուցչական ինստիտուտը վերակազմավորվեց Արմավիրի պետական մանկավարժական ինստիտուտի: 20-րդ դարի 50-60-ական թվականներին ԱՊՄԻ-ն դառնում է երկրի գիտամեթոդական կենտրոնը՝ մաթեմատիկոս ուսուցիչների համար։ Դոցենտ Ն. Ն. Շոլաստերի կողմից հրատարակվել է «տարրական երկրաչափություն» գիրքը (մանկավարժական ինստիտուտների հեռակա ուսուցմամբ ուսանողների համար կարճ դասընթաց)՝ 20 հազար տպաքանակով[2][3]: 1961 թ. որպես ֆիզիկամաթեմատիկական գիտությունների թեկնածու, ԱՊՄԻ դոցենտ Մ. Յ. Ցիրկինի կողմից պատրաստվել է մանկավարժական ինստիտուտների ֆիզիկամաթեմատիկական ֆակուլտետների ուսանողների համար ձեռնարկ՝ 10 հազար օրինակով։ Արմավիրի մանկավարժական ինստիտուտի գիտնականներ Ն. Ն. Շոլաստերի և Մ. Յ. Ցիրկինի գրքերով ուսանել են երկրի մանկավարժական բուհերի ուսանողների ավելի քան մեկ սերունդ[4]:
Բուհն ուներ տարբեր կարգավիճակներ՝ ինստիտուտ, ակադեմիա (ԱՊՄԱ), իսկ 2015 թվականից ունի համալսարանի (ԱՊՄՀ) կարգավիճակ։[5]
Ներկայումս շարունակվում է ԱՊՄՀ պրոֆեսոր Ս. Գ. Մանվելովի ավանդույթները, ով հրատարակել է «աշակերտների ինքնատիրապետման զարգացման մաթեմատիկայի առաջադրանքները. ձեռնարկ ուսուցիչների համար» գիրքը՝ 30 հազար տպաքանակով և «մաթեմատիկայի ժամանակակից դասի նախագծում. ձեռնարկ ուսուցիչների համար» գիրքը՝ 20 հազար տպաքանակով:
ԱՊՄՀ-ն ակտիվորեն մասնակցել է ՌՍՖՍՀ լուսավորության նախարարության միջազգային նախագծերին: Ինստիտուտի հեղինակության մասին է խոսում այն փաստը, որ 1984-1995թթ. ռուսաց լեզվի և գրականության ֆակուլտետին կից գոյություն է ունեցել թուրքմենական բաժանմունք, որը միակն էր երկրում: Ազգային վարչության գոյության ընթացքում Թուրքմենստանի համար վերապատրաստվել են զգալի թվով բարձր որակավորում ունեցող մասնագետներ: Այս բաժնի շրջանավարտներից ոմանք դարձել են առաջատար ուսուցիչներ իրենց երկրի համալսարաններում:
Ղեկավարություն
2011 թվականից ԱՊՄՀ-ի ռեկտորը Համբարձում Ռոբերտովիչ Գալուստովն է[6]:
Ֆակուլտետներ
ԱՊՄՀ ֆակուլտետների և ինստիտուտների ցանկ՝ 2018-2019 ուսումնական տարվա դրությամբ[7].
- Կիրառական ինֆորմատիկայի, ֆիզիկայի և մաթեմատիկայի ինստիտուտ
- Պատմության ֆակուլտետ
- Սոցիալ-հոգեբանական ֆակուլտետ
- Նախադպրոցական և տարրական կրթության ֆակուլտետ
- Ռուս և արտասահմանյան բանասիրության ինստիտուտ
- Տեխնոլոգիայի, տնտեսագիտության և դիզայնի ֆակուլտետ
- Կրթության զարգացման գիտահետազոտական ինստիտուտ
Ռեկտորներ
- Իվան Կոնստանտինովիչ Վոբոլով,
- Իվան Բորիսովիչ Ալեշչենկո,
- Նիկոլայ Նիկիտովիչ Կարլով,
- Կոնստանտին Ալեքսանդրովիչ Նովիկով,
- Վասիլի Ալեքսեևիչ Արտյուշին,
- Եվգենի Եվպատևիչ Սեմենկին,
- Գրիգորի Երմոլաևիչ Ժիլյաեվ,
- Վասիլի Իվանովիչ Տուլչի,
- Վլադիմիր Տիմոֆեևիչ Սոսնովսկի (1987-2009),
- Ալբինա Մահամետովնա Գատիևա (2009-2010թթ),
- Նելլի Գավրիլովնա Դենդեբերյա (պաշտոնակատար, 2010-2011թթ.)
- Համբարձում Ռոբերտովիչ Գալուստով (2011)
Հղումներ
Նշումներ
- ↑ GRID Release 2017-05-22 — 2017-05-22 — 2017. — doi:10.6084/M9.FIGSHARE.5032286
- ↑ Шоластер Н.Н. «Элементарная геометрия» // М.: Государственное учебно-педагогическое издательство министерства просвещения РСФСР, под редакцией Иваницкой В.П., 1959
- ↑ Шоластер Н. Н. «Задачи на геометрические преобразования» // Математика в школе. 1976
- ↑ Яков Понарин «Элементарная геометрия. Том 1: Планиметрия, преобразования плоскости», стр.309
- ↑ О ВУЗе
- ↑ Структура и органы управления
- ↑ Факультеты и кафедры