«Մարատի մահը (նկար)»–ի խմբագրումների տարբերություն

'''«Մարատի մահը»''' ({{lang-fr|La Mort de Marat}}), Ֆրանսիացի նկարիչ [[Ժակ Լուի Դավիդ|Ժակ Լուի Դավիդի]]ի նկարը, համարվում է [[Ֆրանսիական հեղափոխություն|Ֆրանսիական մեծ հեղափոխությանը]] նվիրված ամենահայտնի ստեղծագործություններից մեկը:

Գեղանկարը պատմում է «Ժողովրդի եղբայր» ռադիկալ թերթի լրագրող, [[Յակոբիններ|յակոբինյանների]] առաջնորդ [[Ժան Պոլ Մարատ|Ժան Պոլ Մարատի]]ի ճակատագրի մասին: Մարատը [[Ահաբեկչության ժամանակաշրջան (Ֆրանսիական հեղափոխություն)|յակոբինյան ահաբեկչության]] մոլի կողմնակիցներից էր: Ախտահարվելով մաշկային հիվանդությամբ՝ Մարատը տնից դուրս չէր գալիս և, իր տառապանքները մեղմելու համար, լոգանքներ էր ընդունում: 1793 թվականի հուլիսի 13-ին նա դաշունահարվեց իր բնակարանում ազնվականուհի Շարլոտտա Կորդեի կողմից:

Փայտե պահարանիկի գրությունը հեղինակային ձոն է՝ «Մարատին, Դավիդ»: Մարատի ձեռքում գրությունով թերթիկ է, որի վրա գրված է. «13 հուլիսի 1793, Մարի Աննա Շարլոտտա Կորդե — քաղաքացի Մարատին: Ես դժբախտ եմ, և ուրեմն իրավունք ունեմ ձեր պաշտպանության»: Իրականում Մարատը չի հասցրել ստանալ այդ նամակը. Կորդեն նրան սպանել է ավելի շուտ<ref>''Морозова Е.'' Шарлотта Корде. — {{М.}}: Молодая гвардия, 2009. — С. С. 141, 169.</ref>: Թեև շատ ուսումնասիրողներ պնդում են, որ նամակի դրվագը նկարչի մտահղացումն է դրամատիզմն ավելի շեշտելու համար: Նրա դիրքը և անրակի ներքևի վերքը հիշեցնում է Հիսուսի կերպարը խաչից իջեցնելու պահին: Խառնաշփոթային և քաոսային սպանությունը հանգամանորեն վերարտադրված է նկարչի կողմից և նմանվում է նահատակության: Աջ ձեռքի դիրքը հիշեցնում է Հիսուսի պատկերը [[Կարավաջո|Կարավաջոյի]]յի «Հիսուսի թաղումը» ստեղծագործության մեջ: