«Վարդան Պետրոսյան (լեզվաբան)»–ի խմբագրումների տարբերություն
Նոր էջ «'''Վարդան Զորիկի Պետրոսյան''' (մարտի 6, 1966, Կոտայքի մարզ, գյուղ Գառնի), հայ լեզվա...»: |
(Տարբերություն չկա)
|
19:31, 16 Հուլիսի 2020-ի տարբերակ
Վարդան Զորիկի Պետրոսյան (մարտի 6, 1966, Կոտայքի մարզ, գյուղ Գառնի), հայ լեզվաբան, հայերենագետ։ ԵՊՀ դասախոս է[1], ԲՈԿ-ի ընդհանուր և համեմատական լեզվաբանություն (Ժ.02.02) մասնագիտական խորհրդի անդամ[2]։
Կենսագրություն
Վարդան Պետրոսյանը ծնվել է 1966 թվականի մարտի 6-ին, Կոտայքի մարզի (նախկին՝ Աբովյանի շրջան) Գառնի գյուղում: 1983 թվականին գերազանցության վկայականով ավարտել է Գառնիի թիվ 1 միջնակարգ դպրոցը: 1983-1990 թթ. սովորել է Երևանի պետական համալսարանի հայ բանասիրության ֆակուլտետում՝ ավարտելով գերազանցության վկայականով: 1984-1986 թթ. ծառայել է խորհրդային բանակում: 1990-1993 թթ. սովորել է ԵՊՀ ասպիրանտուրայում: 1995 թվականին պաշտպանել է թեկնածուական ատենախոսություն «Մխիթար Սեբաստացու լեզվաբանական ժառանգությունը» թեմայով[3]: 1995 թվականից առ այսօր աշխատում է ԵՊՀ-ում: 2008-ին շնորհվել է դոցենտի կոչում: 2013 թվականից ԵՊՀ ընդհանուր լեզվաբանության ամբիոնի վարիչն է: 2015 թվականից ԲՈԿ-ի ընդհանուր և համեմատական լեզվաբանություն (Ժ.02.02) մասնագիտական խորհրդի անդամ է[4]: Մի շարք գիտական հանդեսների խմբագրական խորհուրդների անդամ է: Հրապարակել է «Մխիթար Սեբաստացու լեզվաբանական հայացքները» (2008)[5], «Ընդհանուր և հայ լեզվաբանության հարցեր» (2015)[6], «Խոստովանություն» (բանաստեղծություններ) (2016) գրքերը: Նրա նախաձեռնությամբ և առաջաբանով լույս են տեսել ակադ. Գ. Բ. Ջահուկյանի «Լեզվաբանության պատմություն» մեծարժեք ուսումնասիրությունը (2015 թ., 2-րդ հրատ.), առաջաբանով, խմբագրությամբ և ծանոթագրություններով՝ 20-րդ դարասկզբի ազգային-ազատագրական պայքարի նշանավոր գործիչ խմբապետ Մարտիրոս Աբրահամյանի (Բաշգառնեցի Մարտիրոս) «Իմ հիշելի հուշերը» գիրքը (2016)[7][8][9]: Հեղինակ է 40-ից ավելի լեզվաբանական հոդվածների[10]: Կարդում է ընդհանուր լեզվաբանական մի շարք դասընթացներ (լեզվաբանության հիմունքներ, ընդհանուր լեզվաբանություն, հնդեվրոպական լեզուների համեմատական քերականություն, հնչույթաբանական ուսմունքների պատմություն): 2014 թվականին պարգևատրվել է ԵՊՀ արծաթե մեդալով: Որպես խմբագրական հանձնախմբի անդամ և խմբագիր՝ մասնակցել է Լևոն Շանթի 150-ամյակին նվիրված «Լևոն Շանթ. մարդը և գործը» ժողովածուի կազմությանը (2019)[11]:
1990 թվականից ՀՅԴ անդամ է: 1996-1998 և 2002-2004 թթ. ընտրվել է ՀՅԴ Հայաստանի Գերագույն մարմնի անդամ: 1992 թվականին մասնակցել է Շուշիի ազատագրմանը, որի համար 1994 թվականին ԼՂՀ ԳԽ որոշումով պարգևատրվել է «Շուշիի ազատագրման համար» մեդալով: 1990-1999 թթ. աշխատակցել է «Ուրբաթ», «Ազատամարտ», «Երկիր» թերթերին՝ որպես քաղաքական բաժնի խմբագիր: Հեղինակ է շուրջ հարյուր հիսուն հրապարակախոսական, քաղաքական, պատմագիտական և գրականագիտական հրապարակումների:
Ամուսնացած է, ունի երկու զավակ՝ Ռուբինա Պետրոսյան և Զորի Պետրոսյան: Կինը՝ Դոնարա Վանիկի Հովհաննիսյան:
Հրատարակված գրքեր
- Մխիթար Սեբաստացու լեզվաբանական հայացքները, Եր., 2008, 206 էջ
- Ընդհանուր և հայ լեզվաբանության հարցեր, Եր., «Փրինթինֆո», 2015, 348 էջ[12]
- Խոստովանություն, Եր., «Էդիթ պրինտ», 2016, 102 էջ[13]
Ծանոթագրություններ
- ↑ «Վարդան Զորիկի Պետրոսյան». ysu.am (անգլերեն). Վերցված է 2020-07-16-ին.
- ↑ «Մասնագիտական խորհուրդ | language.sci.am». www.language.sci.am. Վերցված է 2020-07-16-ին.
- ↑ «Մխիթար Սեբաստացու լեզվաբանական ժառանգությունը | ԲՈԿ - Supreme Certifying Committee». www.bok.am. Վերցված է 2020-07-16-ին.
- ↑ «Մասնագիտական խորհուրդ | language.sci.am». www.language.sci.am. Վերցված է 2020-07-16-ին.
- ↑ Պետրոսյան, Վարդան (2008). Ղազարյան, Ռուբեն Սերոբի (ed.). Մխիթար Սեբաստացու լեզվաբանական հայացքները. Երևան: Լուսակն.
- ↑ Պետրոսյան, Վարդան Զորիկի (2015). Ընդհանուր և հայ լեզվաբանության հարցեր =: Problems general and Armenian linguistics = Вопросы общего и армянского языкознания. Երևանի պետական համալսարան. Երևան: Փրինթինֆո. ISBN 978-9939-831-69-5.
- ↑ «Լույս է տեսել Խմբապետ Մարտիրոսի «Իմ հիշելի հուշերի» առաջին հայաստանյան հրատարակությունը». www.1lurer.am. Վերցված է 2020-07-16-ին.
- ↑ LLC, Ayb Solutions. «ԿԱՎՐԵ ՇԱՄԵ ԿՌԻՎԸ». Hay Zinvor (անգլերեն). Վերցված է 2020-07-16-ին.
- ↑ Աբրահամյան, Մարտիրոս; Պետրոսյան, Վարդան Զ (2016). Իմ հիշելի հուշերը: 20-րդ դարի սկզբի ազգային-ազատագրական պայքարի նշանավոր ներկայացուցիչ խմբապետ Մարտիրոս Աբրահամյանի հուշերը և մարտական կենսագրությունը. Երևան: Փրինթինֆո. ISBN 978-9939-831-88-6.
- ↑ «Վարդան Զորիկի Պետրոսյան». ysu.am (անգլերեն). Վերցված է 2020-07-16-ին.
- ↑ Պետրոսյան, Վ Զ; Մերտխանյան, Մ; Համազգային հայ կրթական և մշակութային հիմնադրամ, eds. (2019). Լևոն Շանթ. մարդը և գործը: Հուշագրական նոթեր. Երևան: «Տիգրան Մեծ» հրատ. ISBN 978-99941-0-937-1.
- ↑ Պետրոսյան, Վարդան Զորիկի (2015). Ընդհանուր և հայ լեզվաբանության հարցեր =: Problems general and Armenian linguistics = Вопросы общего и армянского языкознания. Երևանի պետական համալսարան. Երևան: Փրինթինֆո. ISBN 978-9939-831-69-5.
- ↑ «Վարդան Պետրոսյանի բանաստեղծական «Խոստովանությունը» / Սարգիս ՄԽԻԹԱՐՅԱՆ». Գրական Թերթ. 2016-08-04. Վերցված է 2020-07-16-ին.