«Դամբարան»–ի խմբագրումների տարբերություն

'''Դամբարան''' ({{lang-el|τύμβος}}՝ թումբոս), մինչքրիստոնեական գերեզմանների անվանումը հնագիտության մեջ։ Քարի դարից հայտնի են հիմնահողային դամբարանները, [[դոլմեն]]ները, [[կրոմլեխ]]ները։

 

 

Մ․թ․ա․ 1-ին հազարամյակում երևան են եկել [[կարաս]]ե, իսկ անտիկ շրջանում՝ կավե տարատեսակ դագաղներով դամբարանները։ Բրոնզի դարաշրջանի նյութական մշակույթը հիմնականում ներկայացնում են դամբարաններից հայտնաբերված գտածոները։

 

== Ճարտարապետության մեջ ==

 

[[Հելլենիստական Հայաստան]]ի դամբարաններից են [[Փարաքար]]ի բոլորակ հատակագծով, քարե բազմանիստ հարթակի վրա բարձրացող աշտարակաձև կառույցը, մեջտեղում ձվաձև գերեզմանով, ինչպես և Սիսիանի իշխանական դամբարանը, որի կեղծ թաղով գետնափոր խցում դրված է կավե սարկոֆագը։ Քրիստոնեական վաղ շրջանի պահպանված օղակներից են [[Աղց]]ի [[Արշակունիներ|Արշակունի թագավորների]] դամբարանը և նույն հորինվածքն ունեցող՝ Իգաձորի (Անի) ժայռափոր կառույցները (4-րդ դար), [[Էջմիածին|Էջմիածնում]]՝ [[Սուրբ Հռիփսիմե եկեղեցի (Էջմիածին)|Հռիփսիմեի]] և [[Սուրբ Գայանե եկեղեցի|Գայանեի]] (4-5-րդ դարեր), [[Օշական]]ում՝ Մեսրոպ Մաշտոցի, [[Ամարաս]]ում՝ [[Ամարասի վանք|Գրիգորիսի]] (5-րդ դար) դամբարանները։