ՆԱՏՕ-յին անդամակցում են 2930 երկիր, որոնցից 27-ը եվրոպական են, երկուսը՝ հյուսիս-ամերիկյան: Անդամակցության ընթացակարգը կարգավորվում է Հյուսիսատլանտյան դաշինքի համաձայնագրի 10-րդ հոդվածով, որը սահմանափակում է հետագա անդամակցությունները միայն եվրոպական երկրներով: Սկզբնական շրջանում անդամների թիվը 12-ն էր, որոնք և ՆԱՏՕ-յի հիմնադիր երկրներն էին: ՆԱՏՕ-ն շարունակում է իր ընդլայնումը Սառը պատերազմի ընթացքում՝ 1952 թվականին իր ընտանիք ընդունելով Հունաստանին և Թուրքիային: Արևմտյան Գերմանիան անդամակցում է 1955 թվականին (Փարիզի համաձայնագրերով), որին հաջորդում է Իսպանիան՝ 1982 թվականին: Արևելյան Բլոկի փլուզումից, որը նշանավորեց Սառը պատերազմի ավարտը, Արևելյան Եվրոպայի 1214 երկիր անդամակցեցին ՆԱՏՕ-յին 1999-2009 թվականների ընթացքում: 2017 թվականի հունիսին Մոնտենեգրոն դարձավ ՆԱՏՕ-յի 29-րդ անդամ-պետությունը. Հյուսիսային Մակեդոնիան դարձավ 30-րդ անդամ պետությունը 2020-ի մարտին:
== Անդամակցության համար գործողության պլան ==
1999 թվականի ապրիլին Դաշինքը գործարկեց Անդամակցության համար գործողության պլանը Վաշինգտոնի գագաթաժողովի ընթացքում, որպեսզի օգներ անդամակցության համար դիմած թեկնածու երկրներին իրենց նախապատրաստական աշխատանքներում:
