«Արգելի ջրաէլեկտրակայան»–ի խմբագրումների տարբերություն

Կարողությունը 224 հազար կիլովատ Է, հաշվարկային ճնշումը՝ 285 մետր, ջրի հաշվարկային ծախսը [[ջրանցք]]ում՝ 70 մ³/վայրկյան։ [[Գյումուշ]]ի հիդրոէլեկտրակայան դերիվացիոն կայան Է։ Դերիվացիան սկսվում է նախկին Աղբյուրակ գյուղի մոտ կառուցված պատվարից, որը ջրի տակ է թողել գյուղի տարածքի մի մասը և ստեղծել գետի հոսքը կանոնավորող հինգ միլիոն մետր³ տարողության [[ջրամբար]]։ Դերիվացիան ունի 18,4 կիլոմետր երկարություն և կազմված է չորս [[թունել]]ից (ընդհանուր երկարությունը՝ 11,6 կիլոմետր) ու նրանց բաժանող երեք ջրանցքից (ընդհանուր երկարությունը՝ 6,8 կիլոմետր)։ Վերջանում է ճնշման և օրական կարգավորման (ծավալը՝ 300 հազար մետր³) [[ավազան]]ներով, որոնք հնարավորություն են տալիս [[տուրբին]]ների ջրի ծախսը պիկ ժամերին հասցնել 90 մետր³/վայրկյան։ ճնշման ավազանից ջուրը մետաղյա չորս [[խողովակաշար]]ով մտնում է կայանում տեղադրված տուրբինների մեջ (յուրաքանչյուրը 56 Մեգավատտ հզորությամբ), որոնց վրա տեղակայված են նույն հզորությամբ և 11 կիլովոլտ լարումով գեներատորներ։ Կայանի շենքի մոտ տեղադրված են 13 [[միաֆազ]] ուժային [[տրանսֆորմատոր]]ներ, որոնք գեներատորային լարումը բարձրացնում են մինչև 121 կիլովոլտ և բաց ենթակայանից դուրսեկող հաղորդման գծերով միանում [[էներգացանց]]ին։ Կայանը լրիվ [[ավտոմատացված]] է։