«Երնջակ (գետ)»–ի խմբագրումների տարբերություն

'''Երնջակ''', գետ է [[Ադրբեջան]]ի [[Նախիջևանի Ինքնավար Հանրապետություն|Նախիջևանի Ինքնավար Հանրապետության]] [[Ջուղայի շրջան]]ում։ Սկզբնավորվում է [[Զանգեզուրի լեռնաշղթա]]յի 2800 մ բարձրություն ունեցող ձորակներից։ [[Արաքս]]ի ձախափնյա այս գետը սնող վտակները [[Զավաչրի (գետ)|Զավաչրիի]] ու Անկուզիբի ոչ մեծ գետակներն են։ Ունի 62 կմ երկարություն։ Իր երկարությամբ Երնջակը Նախիջևանի գետերի թվում երկրորդ երկար գետն է, որը հոսելով Երնջակ ձորահովտով, Ջուղա գյուղի մոտ միախառնվում է Արաքսին։ Այս գետի վրա՝ [[Շահկերտ]] գյուղի մոտ, կառուցվում է ջրամբար, որը ունենալու է մոտ 14 միլիոն խորանարդ ջրատարողունակություն։ Այս գետի ջրերով է ոռոգվում ավելի քան 2500 հա տարածք<ref>{{Գիրք։Այվազյան։Նախիջևան. պատկերազարդ բնաշխարհիկ հանրագիտակ}}</ref>։ Անունը առաջացել է [[Երնջակ ամրոց]]ի անունից<ref>{{Գիրք:ՏԲ2|247}}</ref>։