«Սաթիկ Սեյրանյան»–ի խմբագրումների տարբերություն

Սաթիկ Սեյրանյանը ծնվել է 1974 թվականին [[Երևան]]ում: Սովորել է Երևանի թիվ 10 հայագիտական թեքումով դպրոցում, ավարտել [[Երևանի պետական համալսարան]]ի բանասիրության ֆակուլտետը: 1989-1991 թթ. եղել է «[[Պիոներ կանչ]]» թերթի «Շավիղ» պատանեկան խմբագրության անդամ և թերթի թղթակից: 1994-1997 թթ. աշխատել է «Շրջան», 1997 թվականից՝ «[[Հայկական ժամանակ]]» թերթերում, 2000 թվականից՝ «Ազատություն» ռադիոկայանում, 1997-2003 թթ.` «[[Առավոտ (օրաթերթ)|Առավոտ]]» օրաթերթում: Թղթակցել է «[[Գարուն (ամսագիր, Երևան)|Գարուն]]», AIM, IN VITRO, մոսկովյան «S» ամսագրերին, ինչպես նաև սփյուռքում հրատարակվող տարբեր պարբերականների: 2001-2002 թթ. եղել է ՀՀ-ում իտալական «Renco» ընկերության տեղեկատվության և հասարակայնության հետ հարաբերությունների ղեկավար, 2003-2004 թթ. եղել է «Արսօյլ» ընկերության տեղեկատվության և հասարակայնության հետ հարաբերությունների ղեկավար: 2004 թվականին հիմնադրել է «Անկախ տեղեկատվական միջոցների աջակցության» հիմնադրամը<ref>[https://avproduction.am/?ln=am&page=person&id=2325 Սաթիկ Սեյրանյանի կենսագրությունը avproduction.am կայքում]</ref>, 2004 թվականին հիմնադրել և խմբագրում է «[[168 ժամ]]» թերթը և www.168.am կայքը, 2007 թվականին հիմնադրել է «3 միլիոն» ամսագիրը, 2008 թվականին ստեղծել է «Pressing» քաղաքական-հասարակական վերլուծական փակ ակումբը: 2013 թվականից վարում է [[Արմենիա (հեռուստաընկերություն)|«Արմենիա» հեռուստաընկերության]] «Ռ-Էվոլյուցիա» հաղորդաշարը: