«Պատանեկան դրամա»–ի խմբագրումների տարբերություն
(Տարբերություն չկա)
|
18:09, 15 Դեկտեմբերի 2019-ի տարբերակ
Պատանեկան դրամա (անգլ. Teen drama, երբեմն նաև՝ «Պատանեկան սիթքոմ» (անգլ. Teen sitcom)), դրամատիկական հեռուստասերիալների մի տեսակ, որի պատմության կենտրոնում է գտնվում պատանի կերպարների կամ մարդկանց կյանքը, ովքեր նոր են դուրս եկել այդ տարիքից: Այս ժանրը գործնականում հեռուստատեսության պատմության առաջին 45 տարվա ընթացքում գոյություն չի ունեցել և հայտնիություն է ձեռք բերել 90-ականների սկզբին, հատկապես «Բևեռլի Հիլզ, 90210» հեռուստասերիալի հաջողությունից հետո, որը համարվում է այս ուղղության հիմնադիրը[1]: Մինչ այս այն սերիալներից շատերը, որոնց հիմքում պատանիերն էին, սիթքոմներ էին համարվում, իսկ դրամատիկական հեռուստասերիալների դեռահասները համարվում էին դերասանական անսամբլի մի մասը, որը իր մեջ էր նաև ներառում մեծահասակներին և երեխաներին: 50-ականներին հաջողված էին «Father Knows Best» (1954–1960) և The Donna Reed Show» (1958–1966) սիթքոմները, որտեղ բավականին երիտասարդ հերոսներ կային, սակայն, այնուամենայնիվ, այս նախագծերում պատանիները երբեք չէին գտվում սյուժեի կենտրոնում, իսկ պատանիների մասին առաջին շոուն դարձել է Սալլի Ֆիլդի մասնակցությամբ «Gidget»-ը (1965-1966)[1]:
90-ականներից սկսած ամերիկյան հեռուստատեսությունում ամեն տարի սկսում էր պատանեկան դրամաներ թողարկել, հիմնականում ցույց տալով միջնակարդ դպրոցի աշակերտների կյանքը՝ հիմնականում միջին և ավագ սոցիալական դասարանների[1]: Ամենից հաճախ հեռուստասերիալները իրենցից ներկայացնում էին «soap opera»՝ մի քանի սերիաներում կամ ամբողջ եթերաշրջանում սյուժետային արկաներով: Երիտասարդ մարդիկ իրենց անձնական կյանքում և ծնողների հետ հարաբերություններում վերելքներ և անկումներ էին ունենում, ինչպես նաև պատանիներին բնորոշ խնդիրներ[1]:
Ժանրի որոշ ներկայացուցիչներ, ինչպիսիք են «The O.C.» (2003-2007) և «One Tree Hill» (2003-2012) հեռուստասերիալները հաճախ քննադատվում էին սյուժետային քայլերի շաբլոնության, ավելորդ դրամայի և երկարաձգված պատմության մեջ, մինչդեռ «My So-Called Life» (1994-1995) և «Veronica Mars» (2004-2007) հեռուստասերիալները սիրվել են քննադատների կողմից և համարվել են երբևէ ստեղծված լավագույն շոուներից մեկը[1]:
Նաև հայտնի պատանեկան հեռուստասերիալներ են թողարկվել գիտական ֆանտաստիկայի, ֆենտեզիի և արկածային մարտախաղի թեմատիկաներով: