1978 թվականից աշխատել է Հայաստանի հեռուստառադիոհաղորդումների պետական կոմիտեում, 1987-2004 թթվականներինթվականներին` հեռուստառադիոհաղորդումների պետական կոմիտեի գրական-գեղարվեստական հաղորդումների գլխավոր խմբագրության գլխավոր խմբագիր։ 1991 թվականից [[Հայաստանի Գրողների Միություն|Հայաստանի գրողների միության]] անդամ է, 1995 թվականից՝ [[Հայաստանի ժուռնալիստների միություն|Հայաստանի ժուռնալիստների միության]] անդամ։ 2001-2004 թվականներին եղել է Հայաստանի գրողների միության վարչության քարտուղարը, 2001-2006 թվականներին` [[Երևանի պետական համալսարան]]ի հեռուստառադիոժուռնալիստիկայի ամբիոնի դասախոս, 2004-2006 թվականներին` [[ՀՀ մշակույթի նախարարություն|ՀՀ մշակույթի և երիտասարդության հարցերի նախարար]]: Եղել է Օրինաց Երկիր կուսակցության անդամ։ Նախարարի պաշտոնից հրաժարական է տվել, երբ, ըստ մամուլի հրապարակումների, մասնակցել է ծեծկռտուքի, որի ժամանակ գործադրել է նաև իրեն պատկանող ատրճանակը<ref>[https://www.azatutyun.am/a/1579929.html Հովիկ Հովեյանը հայտարարում է իր հրաժարականի մասին]</ref>։ 2007 թվականից դասավանդում է [[Խաչատուր Աբովյանի անվան հայկական պետական մանկավարժական համալսարան]]ի հեռուստառադիոժուռնալիստիկայի ամբիոնում։ 2009 թվականից Երևանի [[Հովհաննես Շարամբեյանի անվան ժողովրդական ստեղծագործության կենտրոն|«Հովհաննես Շարամբեյանի անվան ժողովրդական ստեղծագործության կենտրոն»]]-ի տնօրենն է<ref>[http://armspu.am/whoiswho/ln/am/p/1060 Հովիկ Հովեյանի կենսագրությունը Խաչատուր Աբովյանի անվան հայկական պետական մանկավարժական համալսարանի կայքում]</ref>։
