Ծնվել է հուլիսի 18–ին6-ին, Կ.Պոլսում, դրամագետ–հնագետի ընտանիքում։ Սկզբնական կրթությունը տեղի Չալըխյան վարժարանում ստանալուց (1830-1832) հետո ուսումը շարունակել է Վենետիկի Մխիթարյանների դպրոցում (1832-1841)։ Հետագայում աշխատել է [[Մուրադյան վարժարան|Ռափայելյան Վարժարանում]] որպես ուսուցիչ (1841-1850, ապա՝ 1866-1872), տեսուչ (1848-ից), «[[Բազմավեպ]]»ի խմբագիր(1849-1851), ուսուցիչ [[Փարիզ]]ի [[Սամուել-Մուրատ վարժարան (Ֆրանսիա)|Մուրատյան վարժարան]]ում (1859-1861)։ 1872 թվականից ամբողջովին նվիրվել է գիտական գործունեության։ Եղել է Ֆրանսիական ակադեմիայի Պատվո լեգեոնի դափնեկիր (1886), Ենայի փիլիսոփայական ակադեմիայի պատվավոր անդամ և դոկտոր, անդամակցել է իտալական և ռուսական գիտական ընկերությունների։ Մահացել է 1901 թ. նոյեմբերի 9–ին և թաղվել Վենետիկի [[Սուրբ Ղազար կղզի|Ս. Ղազար կղզում]]։
