«Առյուծ»–ի խմբագրումների տարբերություն

Պայմանականորեն, առյուծները բնակվում են [[Անտառ|խոտածածկ տարածություններում]] և [[Սավաննա|ազատ սավաննաներում]]։ Մյուս մեծ կատուների համեմատությամբ՝ առյուծները շատ ավելի ընտելացած են ցերեկային կենսակերպին, սակայն որոշ հանգամանքներից ելնելով կարող են ակտիվություն ցուցաբերել նաև գիշերային ժամերին։ [[Պլեյստոցեն|Պլեյստոցենի ժամանակաշրջանում]] այս կենդանիները տարածված են եղել ամբողջ [[Եվրասիա|Եվրասիայում]], [[Աֆրիկա|Աֆրիկայում]] և [[Հյուսիսային Ամերիկա|Հյուսիսային Ամերիկայում]], սակայն ներկայումս վերջիններիս պոպուլյացիաները պահպանվել են բացառապես [[Ենթասահարական Աֆրիկա|Ենթասահարական Աֆրիկայում]] և [[Հնդկաստան|արևմտյան Հնդկաստանի]] մի փոքր հատվածում։

 

 

Առյուծների կերպարը մշակույթում ամենամեծ տարածումը գտած կենդանական խորհրդանիշներից է, որն ամենատարբեր ձևերով ուղեկցել է մարդկությանը՝ իր պատմության ամբողջ ընթացքում։ Առյուծների պատկերով կանգնեցվել են արձաններ, նրանց մասին հյուսվել են լեգենդներ և առասպելներ, ինչպես նաև վերջիններս կերպարը դարձել է տարբեր պետությունների ազգային խորհրդանիշների բաղկացուցիչ մաս։ Հնագույն աղբյուրները վկայում են դեռևս վաղ շրջանում [[Հռոմեական կայսրություն|Հռոմեական կայսրությունում]] առյուծների վարժեցման մասին։ Այս կատվազգիների հնագույն նկարներ են հայտնաբերվել [[Ֆրանսիայի պատմություն|հազարամյակների պատմություն]] ունեցող [[Լասկո քարանձավ|Լասկոյի]] և [[Շովե քարանձավ|Շովեի քարանձավներում]]։ Առյուծը պատկերված է նաև [[Հայաստանի զինանշան|Հայաստանի]] և [[Երևանի զինանշան|քաղաքամայր Երևանի զինանշաններին]]։