Նստավայրի շենքը նախագծվել է [[1951]] թ-ինթվականին որպես Հայաստանի ԽՍՀ Մինիստրների Խորհրդի տուն, հետագայում ծառայել է որպես Հայաստանի ԽՍՀ Գերագույն Խորհրդի նախագահության շենք։ Նախագծի հեղինակը [[Մարկ Գրիգորյան]]ն է։ Շենքը եղել է երկհարկանի, ենթարկվել է վերակառուցման, և մակերեսը կազմել է 2720 քմ։ Առաջին հարկի 338 քմ մակերեսով 10 մ բարձրությամբ տարածքը նախատեսված է ընդունելությունների համար՝ առանձին սրահներով<ref>{{Cite web|url=http://վարչապետ.հայ/hy/history/|title=Պատմություն - Վարչապետ - Հայաստանի Հանրապետության վարչապետ|website=վարչապետ.հայ|accessdate=2018-11-22}}</ref>։
[[1987]] թվականին շենքը վերակառուցվել է «Հայարդնախագիծ» ինստիտուտի նախագծի հիման վրա։ Շենքի երկու կողմերում ավելացվել է 10 մ լայնությամբ և 6 մ երկարությամբ երկու եռահարկ շենք։ Վերակառուցման արդյունքում շենքի ընդհանուր մակերեսը կազմել է 4470 քմ։
[[1992]] թ-իցթվականից ծառայում է որպես [[Հայաստանի Հանրապետության նախագահ]]ի նստավայր մինչ 2018 թ.թվական, որից հետո սկսեց ծառայել որպես ՀՀ վարչապետի նստավայր։ Այնուհետև 2019-ից ծառայում է որպես [[Հայաստանի Հանրապետության նախագահ]]ի նստավայր:
2009-2010 թթ.թվականներին Հայաստանի վաստակավոր ճարտարապետ [[Նարեկ Սարգսյան]]ի նախագծով շենքի առանցքով ետնամասում կառուցվել է քառահարկ շինություն, որպես վարչական մասնաշենք 3150.0 քմ ընդհանուր մակերեսով։ Շենքի արտաքին պատերը երեսապատված են բաց դեղնավուն ֆելզիտով և տրավերտինով։
