Կենտավրոսներ (աստերոիդների խումբ)

Կենտավրոսներ — աստերոիդների խումբ, որը գտնվում է Լուսնթագի և Նեպտունի ուղեծրերի միջև, իրենց հատկություններով զբաղեցնում են միջանկյալ դիրք հիմնական գոտու աստերոիդների և Կոյպերի գոտու մարմինների միջև (ինչպես նաև որոշ հատկանիշներով մոտ են գիսաստղերին)։

Արեգակնային համակարգի մարմինների տեղաբաշխումը։ Կենտավրոսները (նարնջագույն) ընկած են Կոյպերի գոտու (կանաչ) մեջ, ինչպես նաև մասնակիորեն նրա սահմաններից դուրս

Այս խմբի մարմիններին տրվում են անտիկ դիցաբանության կենտավրոսների անուններ։

Պատմություն

Առաջին հայտնաբերված կենտավրոսն էր Քիրոնը (1977). Պերիհելիին մետենալու պահին նրա մոտ դիտարկվում է կոմա, որը հատկանշական է գիսաստղերի համար, այդ պատճառով Քիրոնը համարվում է դասակարգմամբ միաժամանակ և գիսաստղ (95P/Chiron), և աստերոիդ (2060 Chiron), չնայած նա զգալիորեն մեծ է տիպային գիսաստղից։

Առավել հայտնի կենտավրոսներ

Համար	Անվանումը	Հասարակածային տրամագիծ, կմ	Մեծ կիսաառանցք, ա. մ.	Պերիհելի, ա. մ.	Ապոհելի, ա. մ.	Հայտնաբերվել է
2060	Քիրոն (Chiron)	137 ± 5	13,670	8,449	18,891	1977
5145	Ֆոլ (Pholus)	185 ± 16	20,431	8,720	32,142	1992
7066	Նեսս (Nessus)	մոտ 58	24,558	11,786	37,330	1993
8405	Ասբոլ (Asbolus)	66 ± 4	17,942	6,834	29,049	1995
10199	Քարիկլո (Chariclo)	258,6 ± 10,3	15,87	13,08	18,66	1997