«Ժորժ Արծրունի»–ի խմբագրումների տարբերություն
նոր |
(Տարբերություն չկա)
|
14:37, 26 Դեկտեմբերի 2018-ի տարբերակ
Ժորժ Արծրունի (ֆրանսերեն՝ Georges B. Artsrouni, որոշ աղբյուրներում՝ George Artsrouni, 1983 թ․ հուլիսի 10, Թիֆլիս ― 1960 թ․ հոկտեմբերի 27, Փարիզ), ֆրանսիահայ ինժեներ, գյուտարար։ Պատմությանը հայտնի ամենահին մեքենայական թարգմանության սարքերից մեկի հեղինակն է։ Կրթություն է ստացել Սանկտ Պետերբուրգում։ 1922֊ից հաստատվել է Ֆրանսիայում։
Արծրունին իր առաջին սարքը ստեղծել է հավանաբար 1932 թվականին և պատենտավորել է 1933 թ․ հուլիսի 22֊ին՝ «Մեխանիկական ուղեղ» (cerveau mécanique) անվամբ։ Նույն տարի սկսել է կառուցել երկրորդ մեքենան, որը 1937֊ին Փարիզի մեծ ցուցահանդեսի ժամանակ «Մեխանագրաֆիայի» բաժնում արժանացել է գլխավոր մրցանակի (diplôme de grand prix)։ Արծրունու մահից հետո, սարքը ձեռք է բերել և միչև հիմա պահպանվում է Փարիզի Արվեստների և Արհեստների թանգարանի կողմից [1]։
Արծրունու թարգմանչական մեքենան մեխանիկական (ոչ էլեկտրոնային) սարք էր, որը մուտքային տվյալները ընդունում էր ստեղնաշարի միջոցով, թարգմանում տեքստը բառ֊առ֊բառ՝ որոնելով բառերի թարգմանությունները ներկառուցված բառարաններում և թարգմանված տեքստը արտատպում թղթի վրա։ Այն կարող էր թարգմանել չորս լեզուներով։
Աղբյուրներ
- (անգլերեն) Ջոն Հաչինս, «Մեքենայական թարգմանության երկու ռահվիրաները․ Արծրունին և Տրյոնասկին» (John Hutchins, Two precursors of machine translation: Artsrouni and Trojanskij)։ International Journal of Translation 16(1) Jan-June 2004, 11-31։
- (Ֆրանսերեն) Միքայել Կարբե, «Ֆրանսիական թարգմանիչ֊սարքը շուտով կլինի երեսուն տարեկան» (Corbé, M., “La machine à traduire française aura bientôt trente ans”)։ Automatisme
5(3), 1960: 87-91։
- (Ֆրանսերեն) Դոմա Մորիս, «Ժորժ Արծրունու թարգմանչական մեքենան» (Daumas Maurice. Les machines à traduire de Georges Artsrouni)։ Revue d'histoire des sciences et de leurs applications, tome 18, n°3, 1965. pp. 283-302.
Ծանոթագրություններ
- ↑ (Ֆրանսերեն), Musée des Arts et Métiers, Inv. : 21661-0001- Machine à traduire électromécanique dite "le cerveau mécanique" de G. Artsrouni