}}</ref> : Ակունքը Մինեսոտա նահանգի հյուսիսում գտնվող Այթասքա լճում է, որտեղից սկիզբ առնելով՝ հոսում է հիմնականում դեպի հարավ: Իր բազմաթիվ վտակների հետ միասին ընդգրկում է ԱՄՆ-ի՝ Ապալաչյան և Ժայռոտ լեռների միջև ընկած 32 նահանգներ և Կանադայի երկու պրովինցիա<ref>{{Cite web|url=https://www.nps.gov/miss/riverfacts.htm|title=Mississippi River Facts - Mississippi National River and Recreation Area (U.S. National Park Service)|website=www.nps.gov|language=en|access-date=2018-11-16}}</ref>: Ջրավազանի մակերեսը կազմում է մոտավորապես 2.291.000 քառակուսի կիլոմետր, որի 99 տոկոսն ընկած է Ամերիկայի Միացյալ Նահանգներում և միայն 1 տոկոսը՝ Կանադայում: Միսիսիպին հատում է [[Մինեսոտա]], [[Վիսկոնսին]], [[Այովա]], [[Իլինոյս]], [[Միսսուրի]], [[Կենտուկի]], [[Թենեսի]], [[Արկանզաս]], [[Միսիսիպի]], [[Լուիզիանա]] նահանգները կամ սահմանագիծ է հանդիսանում դրանց մի մասի համար<ref>{{Cite web|url=http://www.ducksters.com/geography/us_states/us_rivers.php|title=United States Geography: Rivers|website=www.ducksters.com|language=en|access-date=June 30, 2017}}</ref><ref>{{Cite news|url=https://www.thoughtco.com/states-bordering-the-mississippi-river-1435742|title=The 10 States That Border the Mississippi|work=ThoughtCo|access-date=June 30, 2017}}</ref>:
Բնիկ ամերիկացիները՝ հնդկացիները, հազարավոր տարիներ ապրել են Միսիսիպիի ու նրա վտակներվտակների ափերին՝ զբաղվելով հիմնականում որսորդությամբ ու հավաքչությամբ, սակայն եղել են նաև հնդկացիական ցեղեր, որոնք հիմնել են գյուղատնտեսությամբ զբաղվող համայնքներ: 16-րդ դարում եվրոպացիների ներխուժումը Ամերիկա մեծ փոփոխությունների ենթարկեց կյանքի սովորական ընթացքը <ref>{{Cite web|url=http://www.encyclopedia.com/places/united-states-and-canada/us-physical-geography/mississippi-river-us|title=Mississippi (river US) facts, information, pictures {{!}} Encyclopedia.com articles about Mississippi (river US)|website=www.encyclopedia.com|language=en|access-date=June 30, 2017}}</ref>: Գետն սկզբում ծառայում էր իբրև արգելագոտի՝ սահման դառնալով Նոր Իսպանիայի, Նոր Ֆրանսիայի, այնուհետև՝ նաև վաղ ժամանակների ամերիկյան նահանգների միջև, իսկ հետագայում դարձել է հաղորդակցության կենսական ուղի, նպաստել դեպի արևմուտք ԱՄՆ-ի ծավալմանը:
Միսիսիպիի բերած տիղմով պարարտացված գետամերձ հովիտներըդաշտերը Ամերիկայի Միացյալ Նահանգների ամենաբերրի վայրերն են դարձել: 19-րդ դարում և 20-րդի սկզբներին շոգենավեր են աշխուժորեն երթևեկել գետի զգալի հատվածով՝ տեղափոխելով գյուղատնտեսական և արդյունաբերական ապրանքներ: Ամերիկայի քաղաքացիական պատերազմի ընթացքում միացյալ ուժերի զորքերի կողմից Միսիսիպիի գրավումը շրջադարձային դեր է խաղացել պայքարի հաղթական ավարտն ապահովելու գործում, քանի որ գետն իրոք ռազմավարական կարևորագույն նշանակություն է ունեցել համադաշնային նահանգների մարտական ջանքերը կենտրոնացնելու տեսակետից: Գետի ափերին հիմնված բնակավայրերի մեծ թափով ընդարձակման, նորերի ինտենսիվ հիմնադրման, ավելի ու ավելի մեծ նավերի՝ գետով նավարկման պատճառով ու նպատակով 20-րդ դարի առաջին տասնամյակներին գետում ինժեներական հսկայածավալ աշխատանքներ են իրագործվել, կառուցվել են պատնեշներ, ամբարտակներ, պատվարներ, անցկացվել ջրանցքներ: Այդ ընթացքում մեծ ուշադրություն է նվիրվել Միսիսիպիի ջրերի մուտքը դեպի Աչաֆալայա գետի ջրանցք կանխելուն և դրանով իսկ՝ ջրհեղեղի վտանգը Նյու Օռլեան քաղաքից հեռու պահելուն:
20-րդ դարից սկսած՝ Միսիսիպին բախվում է նաև ջրերի ու շրջակա միջավայրի աղտոտվածության մեծ ու բարդ հիմնախնդիրներին, որոնք հիմնականում ծագել են վարելահողերի մշակման ընթացքում օգտագործվող պարարտանյութերի, ու թունաքիմիկատների՝ գետի ջրերը թափանցելու հետևանքով, որն էլ հանգեցրել է Մեքսիկական ծովածոցում մեռյալ գոտու առաջացմանը:
== Անվանում ==
|