'''Ռեչ Պոսպոլիտա''' ({{lang-pl|rzecz}} - իր, գործ և {{lang-pl|pospolita}} - ընդհանուր, «''ընդհանուր գործ''»), պաշտոնական անվանումը՝ '''Լեհական թագավորություն և Լիտվական մեծ իշխանություն''' ({{lang-pl|Królestwo Polskie i Wielkie Księstwo Litewskie}}) -՝ դաշնություն [[Եվրոպա]]յում [[16-րդ դար|16]]-[[18-րդ դար]]երում՝ կազմավորված [[Լեհական թագավորություն|Լեհական թագավորության]] և [[Լիտվական մեծ իշխանություն|Լիտվական մեծ իշխանության]] միությունից։ Առաջացել է [[1569]] թ.-ին [[Լյուբլինյան ունիա (1569)|Լյուբլինյան ունիա]]յի արդյունքում, վերացել՝ [[1795]] թ.-ին երկրի բաժանման հետևանքով՝ [[Ռուսական կայսրություն|Ռուսաստանի]], [[Պրուսիա]]յի և [[Ավստրիա]]յի միջև։ Տեղակայված էր ներկայիս [[Լեհաստան]]ի, [[Ուկրաինա]]յի, [[Բելառուսիա]]ի և [[Լիտվա]]յի, ինչպես նաև մասնակիորեն՝ [[Ռուսաստան]]ի, [[Լատվիա]]յի, [[Էստոնիա]]յի, [[Մոլդովա]]յի և [[Սլովակիա]]յի տարածքների վրա։ Համարվում էր Եվրոպայի ամենամեծ և հայտնի երկրներից մեկը 16-րդ և 17-րդ դարերում<ref>Norman Davies, Europe: A History, Pimlico 1997, p. 554: ''Poland-Lithuania was another country which experienced its 'Golden Age' during the sixteenth and early seventeenth centuries. The realm of the last Jagiellons was absolutely the largest state in Europe'' {{ref-en}}</ref>։ Երկրի ղեկավարը ընտրվում էր [[սեյմ]]ի կողմից՝ ցմահ, և կրում էր լեհական թագավորի և լիտվական մեծ իշխանի տիտղոսը։
