'''Արգիճի''', ''Ադիաման, Ադյաման, Աղրի, Աղրիչայ, Այրի, Այրիչայ, Այրիջա, Ատիյամանչայ, Արգիճա, Արգիջի, Իշխանագետ, ԿոթիգեաԿոթիգետ, Մաղարախանե''<ref>{{Գիրք:ՏԲ|405}}</ref>, գետ [[Հայաստան]]ի [[Գեղարքունիքի մարզ]]ում` [[Սևանա լիճ|Սևանա լճի]] ավազանում։ Սկիզբ է առնում [[Գեղամա լեռնավահան]]ի [[Գնդասար]] լեռնազանգվածի հյուսիսային լանջից` 2600 մ բարձրությունից։ Երկարությունը 51 կմ է, ջրահավաք ավազանը՝ 384 կմ²։ Վերին հոսանքում անցնում է համանուն գոգավորության ճահճապատ տարածքով դեպի հյուսիս՝ առաջացնելով գետոլորաններ, [[Արմաղան լեռ|Արմաղանի]] արևելյան ստորոտի մոտ հոսում է ոչ խոր ձորով, ապա թափվում Սևանա լիճը։ Սնումը հիմնականում հալոցքային է (55%) և ստորերկրյա (36%) է, վարարումը՝ ապրիլ-հունիսին։ Տարեկան միջին ծախսը 5,18 մ³/վ է, հոսքը՝ 163 միլիոն մ³։ Ձմռանը սառցակալում է։ Ջրերն օգտագործվում են ոռոգման և էներգետիկ նպատակներով<ref>{{Գիրք:ՀԲ|144}}</ref>։
